難得的一天, 因為今日無咩野做, 就早左去湊細佬, 今日都無咩事情發生, 一去到就check佢本手冊, 無紅筆就係好事, 好在今日都無….
夜晚都係老鼠拉龜, d功課都係要做幾次先做得好, 原本一次可以攪店的功課, 佢係都要俾我罰幾次先心息, 做功課都做到八九點, 臨近食飯, 佢仲有題數學唔識做, 我已經幫佢做到個答案出黎, 其實好多人以為有左個答案, 就以為執到寶, 愈高年級, 個答案愈唔重要, 重要係在個算式, 所以我俾左個答案, 細佬以為好著數, 點知…..計左n個方法, 都係唔得, 因為佢的思維只係著重在一點, 唔會係旁邊想, 所以咪走左入死胡同…..
今晚都係唔教佢, 等佢自己領悟下….同埋等佢餓下, 知道唔用腦無飯吃, 以前我俾我爸餓得多, 不過夜晚好在媽咪會接濟下我…唔係邊得我咁肥肥白白….
|
