今日爸唔知傻左定係咩, 去左一間平時我地夜晚先會幫親的店食Hi-tea, 其實呢間野都無咩野, 不過今日去左之後, 就覺得呢間野可以永久blacklist佢, 件事係咁既, 今日我同升爺收到爸的電話, 就去左個間野度, 去到梗係望下個餐牌, 點知一拎起已經俾人問食咩呀, 我禮貌地回應, 唔好意思, 我都係剛剛到, 可唔可以俾我地睇下先, 佢哦左一聲就走左去, 點知….當我想叫野食的時候, 佢就同我講, 個廚房收左, 如果你要食, 就要收正價, 頂你個肺, 前後都係5分鐘, 我有錢都唔俾你賺啦…..
咁我同升爺好無奈咁望住我老豆食, 食完我地先去旁邊個間食, 個時又調轉係我爸望番住我地食…唉, 何必呢, 要攪成咁….
之後就去左買車飛明天返鄉下, 如果唔係媽咪叫到, 我先唔番….今日去左湊細佬, 佢今日好事多為, 本來無得食野的, 我話如果佢拎左個4層櫃上樓就俾佢食, 平時叫佢做少少野, 佢都好似女人咁, 今日講到食, 即刻好似rambo上身咁, 不過最後個櫃都係我搬左, 所以佢都係無得食….
個櫃係網上面買, 係想拎黎放好d貨, 依家買左番黎….都幾好呀….
|
