尋晚先攪到2點幾, 本來打算唔訓, 係架車到訓, 之前試過係架車到好嘈, 係一定訓唔著的, 所以明知訓得個4個鐘都唔夠, 都訓左一陣, 起身個時6點半, 洗完白白走左去叫媽咪起身, 仲起醒….個時六點九, 點知佢一起身就話我點解咁遲叫佢起身….我話我地七點九車, 依家仲有一個鐘….不過媽咪呢d係魔鬼, 我想我太耐無同佢出遠門了, 所以之前叫同佢轉下車先返去的, 佢就唔聽我講, 一定要坐直通車…咩叫先見之明…睇到啦….
今日番去架車, 爆哂, 我鄉下呢d咁冷門的地方, 仲有咁冷的日子, 邊會有咁多人, 原來係咁附近一個市的地方攪埋一齊, 所以架車咁多人, 過關個條八婆真係要係日記記低…剩賤人, 話劃左位就一定要坐個度, 都低能, 不如你包架車好過啦, 攪左成個鐘, 先開到車….本來一點可以返到鄉下, 依家2點….餓死左我….番到我舅父到, 無想像中咁肚餓, 我都應該有兩年無見過我舅父了, 我細表弟係屋企玩緊, 本來話唔返學的, 點知突然間走左, 原來係我舅父今日唔返工, 返緊屋企….唔怪之得走鬼左, 舅父返左黎同我同媽咪食完飯就出街行下外公的衫, 三舅母同佢個女都收左風我媽會回來, 所以剛放底左個碗, 佢地就黎了,媽咪就去左睇外公的衫, 我就同我表妹周圍行下, 見到佢老公, 唉, 仲有咩好講, 20歲都未夠就結左婚生埋仔….呢d都唔知點形容好….
我表妹同我行街, 三句都未夠, 就問我借錢…都傻傻地, 有錢借我都借俾我表弟啦, 話哂由細玩到大….我好叻咁耍走佢…佢話表哥, 如果我問你借錢買化妝品的話可以嗎? 我話女為悅已者容, 你都係想化妝俾你老公睇, 如果我俾錢你, 你老公會覺得自己無用, 同覺得我多事, 係咪?....
媽咪買左衫之後就番左屋企, 夜晚就去左一間好地痞的店食飯, 入到去, 無左一半的胃口, 台布唔使換, 人地食完就將地上的菜餘剷走….燈好似無錢交費咁….成間店都無5枝光管, 我地的包間, 冷氣係擺設….都唔用得, 不過唯一可取的就係d野食好好味….呢間野係我三舅父的主力店…..唉…無錢就係咁….
夜晚媽咪同d舅母聊天, 我就同我兩個表弟出去行下….食下BBQ….大表弟好似好多心事咁, 無以前咁多野講….生活迫人….我都明白既….
|
