。。。。。。。。。。。。。。。。。。。。。。。。。。

   …………………………………………………………………

     今日，去左買返工衫，簡直就系“大出血”！

    當然趁呢個機會，梗系都要換下季啦！

    結果，因為要買嘅嘢好多，所以，由2點行

    到10點~算系滿載而歸吧！

    不過，睇返D戰利品，先知自己買左咁多白色嘢！

    其中有兩件白色衫，一條白色褲，兩對白色耳環，

    一條白色珠鏈，兩個白色頭cool，應該都系咁啦！

    我發覺我真系超中意白色呢！！

    響呢度，講返我所謂嘅“返工”先，

     哦，有兩分part time嘅`

    第一嘅系返3日/per week嘅，系Miss請左我，

    去姖數碼港間整game嘅公司度做，我應該系要整下

     game入邊嘅場景，整下屋呀，高樓果類吧~

     初初我拒絕左咖，因為人工少，每日200，朝9晚6，

     仲要又系去數碼港添，淨系車費同吃飯都唔見成半啦！

      加上，用MAX黎整嘢嘅，我都唔記得曬囉~

      最緊要系我無興趣響呢方面嘛，我一向只中意平面的！

      不過，呢D機會唔系人人有，何況呢個經驗難得，

      對於畢業後穩工都有優勢，所以最後應承左==

       6月10號開始返~希望唔好成日比Miss 鬧啦~

      then, the other part time work系Meimei介紹嘅，

      去中環度做，每個星期至少返11個鍾（1天半），

      30蚊/per hour,都OK嘅，不過，姖話打字工好悶~

      anyway，我都唔想多嘢做，因為我估到數碼港果份

       應該好多嘢做，所以，應該系悶D好吧！！

      ………………………………………………………………

       第一次返工，好期待有錢拎果日，份人工應該好快

        比我使曬咖啦~比D兩老，up grade下D化妝品……

        行街前，梗系不忘捐錢啦~如果系行完先捐，

        到時真系想捐多D都唔得囉~

        如果可以唔捐錢嘅話，我真系希望全世界嘅人

        響呢10幾日，都無捐過錢，

        因為，我想呢場地震都可以無發生過~

         可惜唔可以，點解？

         唉~我都唔想多講，多想D咩~

         唯有希望重建嘅工作快bring黎好成效！

         今年真系多事之秋，at least系我地祖國系咁~