……………………………………………………………………………………
唉，今日好唔開心呀~因為比上司“話”……
第一次，終於有D真實體會到，
原來唔系話唔上心就可以唔上心，
由比姖話到依家都好不安~
最黑嘅系，啱先joyce都打電話黎，叫我聽日未使返住，
等姖地對完曬先~
唉，搞到我仲緊張~心跳都跑快左好多~
（不過，就算姖唔打比我，我聽日都唔返中環呢份咖啦，
一向星期二到四都系返數碼港果份嘅）
……………………………………………………………………
聽日，咁啱又系交work比MISS嘅日子添，死啦…
希望唔會好似今日咁啦！
…………………………………………………………………………
唔知系未因為都系做自己無興趣嘅嘢，所以，點做都唔多上心~
錯都容易多D~
不過， 人地批評嘅說話就好上心啦~
自己都系職場經驗少，連少少說話都咁在意~將來點算？
依家先發覺，原來呢方面，自己一D都睇唔開~
通常一遇到呢D情況，我就好想人地炒左我好過，
唔使再對住，再講，呢D都唔系我興趣啦，我無所謂嘅~
……………………………………………………………………
你睇，我幾無毅力~ 咁易就give up 啦~
算………………………………………………………………
*****************************************
今日，啱開始做嘅《甜言蜜語》，初頭，興趣不大，
睇左先知，女主角同我一樣,都有一只耳仔系完全聽唔到,
另外一只就系弱聽,不過,我比姖多兩成聽力~我好D~＾○＾
因為咁,所以,睇果時,好明白姖嘅心境~
大家嘅想法都好似,有好多嘢都系我都講過添~
好似,當有人講,咁樣咪好唔方便嘅時候,我地都會話,其實,
弱聽都有好多好處,比如,中意聽就用聽到嘅果只聽,
唔中意就用聽唔到嘅果只耳去聽~
……………………………………………………………………
講真，自從00年做完手術後，耳力已經系依家咁，
果時，真系唔知，原來右耳系完全無左功能，我仲以為系因為
耳膜無左，所以先聽唔到，所以，希望將來可以補返，咁就可以
聽返……直到，出左黎香港，因為會考要考聽力，所以，
為左唔影響成績，所以，兩老用左千幾蚊買左部耳機比我，
點知，較到最盡，都系咩反應都無，仲以為壞嘅！比老豆試，
先知，原來有問題嘅系我只耳，唔系部機~
聽醫生話，我系因為cut曬3條聽耳骨，先失聰，至於耳膜，
相信系響手術後就補返~
一諗起，真系覺得超好笑~一直諗住補返耳膜，原來早就補左~
其實，都唔使補啦，都無濟於事，補左都系聽唔到咖啦~
…………………………………………………………………………
唔知系人越大，面對嘅嘢多左，定系住響香港本身就要面對更多，
所以，越黎越多機會會因為雙耳而受到傷害~
有時，傷害得最深嘅反而唔系外人，而系相識嘅人~
雖然，呢排同阿嫂冷戰，但系，呢個屋企，只有姖系唯一無響呢方面
hurt過我嘅人~
點解明知，都要講埋果D嘢~
其實，好多時候，我也想聽到呀，我也一D都唔想聽唔到！
我唔想聽錯，唔想叫人講多幾次，唔想每次都要靠近先可以聽到~
唔想身邊嘅朋友次次都要記住我邊邊先系聽到~
唔想被人誤會為叫都唔應咁無禮貌，唔想分唔到聲音嘅方向~
………………………………………………………………………………
最唔想就系用手機~
最最最討厭就系手機~！好討厭呀！
但系，我嘅右耳呀，妳要知道我唔系討厭妳呀~
一D都唔討厭，因為妳無錯呀~
