關於學習……………關於成績…………關於金錢……………關於叻人觀………

         前晚，同akita傾開先知，原來姖地班最高學分嘅人可以有10000蚊嘅

         獎學金~開頭仲以為可能只系某D系會有，我地呢個系就無都唔奇~

         點知，啱先同阿囡傾開先知，原來個個系都有咖~我地嘅學長都有，

         只系因為我地系太少人，所以無~

         點可以咁唔公平咖，雖然人少，但系成個space咁大，個個班都有，

         點解人少就無？唔值得？哼！！！好過分囉~

         我地個系成日都因為太少人而有好多unfair嘅現象出現嘅，

         上個sem就因為咁，所以先唔可以去大陸出trip睇嘢！！

          又因為太少人，所以我最初搞轉系都搞唔成！

          最過分都系依次！！如果系嫌人太少，最高分嘅都未必值得比

           獎學金，咁可以set個學分，要求最高分嘅果個到左先有咪得囉！

           起碼都公平D嘛~

          唉，人地3.1嘅都有10000，點解我地個系就無？

          如果有就好啦，咁我就有10000，呢個數，對申請到學生資助但

          系又因無擔保人而無錢收嘅我黎講，都幾重要咖~

          講開又講，果個學生資助都唔知點搞嘅，成年先得個5000幾，

          都唔知有咩用~都唔知佢點計嘅~擺明計錯數，我開頭按佢嘅公式計，

          都有成兩三萬，仲以為無咩負擔咩咖，點知，唉~~~~~~煩！

          我呀媽，好早之前都同我講好，話會比錢我讀嘅，不過讀完就快D

          穩工還返比姖~都唔可以怪姖嘅， 8萬幾已經系姖畢生嘅積蓄啦！

          我讀完果時，姖都無咩積蓄囉，我唔還錢點得？

          所以，唉~為左money，做人都真系幾煩~

          無錢，唔可以學人讀top-up，

          無錢，唔可以繼續讀咩大學~

          無論我拎到人咩學分都無用嘅，咪又要出黎穩工賺錢~

          一諗到咁，我就無咩心機讀啦！

           最慘嘅系，呢個sem學D嘢，超重電腦技術果邊，

          全部pass曬都偷笑啦，3分都算系奇事囉！

           上個sem之所以有3.5，系因為著重design啫~

           加上又有個普通話科，所以，先有咁嘅學分~

           我諗我以後都唔會有咩個分咖啦~

           不過，實話實說，總分4.2（應該系呢個數吧~），

           所以，學分要4分咁上下先叫高分吧！

           我知我咁講，對於好多人黎講，都系好串，應該超易得罪人，

           不過，我就系個咁嘅人，有D時候我講說話唔似我平時為人咖！

           果D時候就系涉及才華，學識方面，我好有原則，自然有自己嘅客觀標準！

           so,我一直都唔覺上個學期嘅學分系咩一回事~

           就算果個分可能已經系我最高嘅學分，我依然唔覺得系咩~

           我唔會因為比人好少少嘅學分就開心，

           我只會因為唔合格而retake而唔開心~所以，我唔希望會咁~

           我成日都認為，一班人入邊最叻最高分嘅人唔一定就系叻人，

           我眼中嘅叻人只系比天才輸少少~

           講左咁耐，大家可能會有D誤會我，所以，響呢度我不得不表明下

           我自己嘅立場：

           叻人唔系大曬~叻人都有好壞之分，又叻又壞嘅人就真系大衰人！

           所以，我最欣賞嘅一定唔系叻人，咁大家知唔知系咩人？

           就系好人！系有毅力會堅持嘅人！系勇敢向夢想奮鬥嘅偉人！

           我，就最欣賞最中意呢D人！至於呢D人響邊？

           就系響我身邊~有嘅系好人，有嘅系會堅持嘅人~

           嘻嘻，不過好似無咩為夢想不繼奮鬥嘅人~~

           hey，我咁講，真系完全無其他意思咖~大家咪亂諗！！