我自己果个日记几乎都无update过，反而走左黎QQ呢度打日记~

    原因？简单囉，就系因为果个日记好耐都无咩点更新，所以，

    惯性咁就唔更新囉！

    哦~~~点解打埋呢D无聊嘢？唔通又系我嘅潜意识又系度打咩主意么？

    

    最近，多左睇一D人（35识7嘅）嘅空间日记~

    大概100篇，有几篇系感人or有feel吧~~~

    哦，感觉，越系睇得多，就越容易麻目？

    不过，正响我打算放弃唔再睇嘅时候，

    就睇到D都唔错嘅句子！

    响呢度分享下啦~

  

    有时候　不是对方不在乎你，而是你把对方看得太重

    朋友就是把你看透了　还能喜欢你的人

    就算是believe　中间也藏了一个lie

    真正的好朋友　并不是在一起就有聊不完的话题
    而是在一起　就算不说话　也不会感到尴尬

    没有一百分的另一半  只有五十分的两个人

   为你的难过而快乐的　是敌人
   为你的快乐而快乐的　是朋友
   为你的难过而难过的　
   就是那些　该放进心里的人

   冷漠　有时候并不是无情　只是一种避免被伤害的工具

  

   如果妳依家有耐性睇到呢到，咁不如估下我最中意边句？
  
   就系：真正的好朋友……

   因为，同依家嘅同学一齐，如果唔特登稳D咩黎讲，就会觉得好尴尬！

   唉，睇黎，人越大，就真系越难稳到好友喔！

   尤其系HK呢个充满竞争同压力嘅社会！

  
   
   我虽然系几“8”下啦，不过，唔系真嘅好8，

   所以，唔想故意改变自己，去迎合人……

   我唔明呀？点解成日都要讲人地嘅坏话？

   就算对方有错，都唔使成日讲~成日攞人地开玩笑呀！

   我有时真系完全唔觉得好笑嘛~

   所以，真系讨厌果个为左维护关系而偶尔都会虚伪咁俯和笑住嘅自己！
  
   太没出息啦！！！    

  

   人性，本来就有好有坏呀，偶尔讲下人地坏话，系好正常啦，
  
   不过对方都唔系大奸大恶，又无打妳骂妳，

   点解又要不停咁？唔累么？唔厌么？

   虽然，讲人地嘅坏话，妳地系有自由，不过，无资格。

   明明自己就比对方更过分，更虚伪嘛！

   我唔明呀，唔通排挤人系一件咁开心嘅事咩？
  
   点解总系要排挤完一个又一个？

   又要唔认自己响度排挤人？

   明明系自己错，都要讲成系人地嘅错嘅？
  
   明明就只有6个人，点解可以咁多是非？咁多圈子？
  
   真系讲出黎都无人信！
   


   突然觉得，如果有一日，我痴左线~
   从此都会住响青山精神病院度，
   都未尝唔系一件好事呀！
   到少，我以后都唔使理D咩人际关系。
   至少，我响之前，可以咩都唔理咁乱讲嘢呀！

   我可以大大声咁对住地铁上果D好色阿伯同变态佬讲：
   你望咩阿望~~信唔信我整盲你啦la!! 死咸湿佬！

   我都可以大声咁对住XX讲：
   哼！妳好囉啵~我忍妳好耐啦，成日笑大陆人~妳好叻咩？
   虽然妳唔系笑我，但系妳当住我面前讲埋呢D，
   唔系以为我都会笑埋一份下吗？妳当我无良心咖？
   高等教育低文化！车……
  
   我又可以对住XX讲：
   我唔想再听妳地讲呢D啦，妳地好假呀！我好唔中意咁！
   如果为左唔伤大家嘅和气，而要变成个长舌妇，我宁愿导哑自己！

  
      我只会偷偷摸摸咁响呢度打个日记，
   偷偷摸摸咁发泄下……
   结果就一样咁讲人地嘅坏话……
   或者，我同妳地无咩唔同，
   不过，妳地比我好，
   至少，妳地可以讲完人地坏话就会变得好开心。
  
   我一路都深信自己系个好人咖，
   但睇黎，我只系个坏唔起黎嘅人，
   一人时好时坏，而自觉矛盾嘅人呀！