今日君君打左2個電話、SD左一個SMS俾我，真開心

咁都開心?梗係啦，君君打完針咁辛苦都打俾我，話唔會開心都假啦

君君好叻，今次打完冇嘔得咁勁，仲有食橙添

MY SWEET HEART , I MISS YOU TOO.

晏就阿大問我有咩地方去，我話晏D去剪頭髮

咁到左6點咁上下去佢屋企先啦

去到佢話沖埋涼先，嗌我等埋佢

點知沖完又話有女嗌佢出去

咁冇辦法啦，要返屋企，聽日先去剪

 諗住今日剪好影埋相，點知一拖拖左幾日

早知今日自己早D去剪

返到屋企煮飯啦，煮到半路，大家姐打電話黎

問媽返未，我話未啦

跟住佢又同我傾左陣計，嗌我乖D，唔好要佢激心=V="

又問我做咩唔同二家姐講野

一言難盡啊...

岩岩食飯食到好飽，食左睇左陣電視就做功課啦

好多唔識=_=...

波波，我等著你...........的數學作業(我已經做左D)

趕功課趕功課~點解年年都係咁趕=_="...

放假前明明誓神劈願話做好功課先玩

但年年都係留到最遲做^^"

朝早君君過左黎，不過只係黎一陣，因為佢又要返醫院打針T/\T

打針好辛苦架，打好耐好耐

跟住我地一齊訓教，玩左陣就出廳睇電視咁啦

到左10點幾，佢就要走啦T/\T

好想同佢相處耐D，因為又唔知要等到幾時，我地先可以長時間咁一齊

返學果陣又見得一陣，唉....

君君，好掛住妳

到左1點幾，阿大上左黎，佢係度訓左陣

就帶左我去遊車河

因為佢借左四眼仔果架TURBO寶馬

幫四眼仔買左水箱水，去到檔口，我話收陀地=V=~

不過有單既

之後就返屋企啦

依家做緊功課，D文言文全部都明，不過唔識答D問題

好彩，都做左好多篇，剩返少少，慢慢做