朝早又返學校交野，終於搞掂啦=v="

跟住去bus stop等君君

好曬好熱，不過為左要等君君，唔緊要

等左一陣，見到得文同阮家希，同佢地傾左一陣君君架車就黎啦

咁我地就去買早餐，不過我冇買，因為唔肚餓

買完返屋企途中，見到阿大，原來佢冇去做gym，阿狗放佢飛機

咁就陪埋佢去買早餐，之後上我屋企一齊食

我食麵包=v=~好味，但好乾

跟住玩左尋日買果副大富翁

玩左陣阿大就話唔玩啦，那算吧

咁就一齊睇碟啦

睇完我就同君君沖涼~sweet

沖完著左君君送果條monky褲^^"幾靚啊，唔錯啊

然後呢，去阿大度坐左陣之後就落m記食野

阿大約左個m記妹，點知人地放工啦啦林走=v="好無奈吧

食埋d薯條之後我地就各自歸家

君君當然係歸我家cc~

係度玩左陣咁啦，5點3就送君君返屋企啦

返返屋企，我就自己一個悶左陣，等媽返到黎就煮飯佢食

煮到半路，大家姐打電話返黎，話搵我=v="

問左我個傷口點，又話嗌我返去同佢玩

可惜唔得^^"好多野未做，暑假又就快完，得返好少時間可以同君君長時間相處

所以......聖誕節先返吧^^"

咁之後，姐夫又搵我，又講一大堆野，唉...

明架啦，得，哦  <<-佢同我講野，我就係答佢呢d

傾完就繼續煮我既飯

食完等到左好耐，君君先得閒=3=我地玩左陣勁舞啦

又傾計啦，傾到11點咁上下

正當想沖涼既時侯，阿狗嗌我落去，話阿大約左阿嫂同銳係聚星樓

唉/..\要拋低君君啦，不過好快返

落到去，見到格仔都係度

佢地傾啦，我企係一二邊

唉....結果令人失望，嫂同銳一齊左

之後叫左阿嫂行埋一邊傾計，同佢講左d野，佢又講左d

完了~咁阿嫂就離開左阿大

希望我同君君唔會咁=3=

之後同佢地飲d野，就返屋企啦

因為出左去差唔多成個鐘

驚君君擔心嘛

返到去，有人仲未肯訓，咁就繼續傾計@3@

終於到左12點8、9，貓仔君先肯乖乖地去訓

再唔訓，聽日點打針?

然後我就沖涼啦，嘿嘿^^"咁夜仲未沖

等頭髮乾左，我就睡了

嘿嘿~晨咁早d親戚就走晒啦，開心=v=~耳根清靜

之後訓多陣就起身啦，打俾君君

約左佢係學校附近個bus stop等

點解唔上黎我屋企先?因為我要返學校交野@3@

不過...=_="我好大慒，竟然填漏左野，所以聽日要再返去交多次

咁呢，等左君君一陣就黎到啦

其實一見到面有d尷尬=v="因為君君係尋晚先原諒返我

平時唔會咁架嘛....

之後一齊返屋企@3@

我地玩下電腦，睇碟同埋睇左陣雜誌，仲有玩左陣

(仲有，我又整喊左君君=v="對不起哦，我是愛妳的)

之後君君話肚餓@3@咁就去左飲茶

去左天盛間新榕記飲

第一次同君君去飲茶，仲有得我地兩個=v=~呵

君君話好開心，其實我都好開心

so sweet~

食到好飽啊=v=~行唔郁啦

咁食飽去邊呢?梗係行街啦

去左元朗行@3@

我地首先去元朗廣場啦，我買左個散紙包俾君君，我覺得好靚，好襯君君

跟住周圍行啦，君君睇左多好袋，不過唔岩心水，所以冇買

之後去三聯行，去睇書啦

我地仲買左盒大富翁，準備聽日一齊玩cc~

之後去喜利，不過冇乜野睇^^"君君買左件衫

然後下一站係千色

雖然冇買野，但都行左好耐^ - ^可以同君君一齊行，冇野睇冇野買都會開心

行到5點幾，就搭車返天水圍

不過冇位坐=_="....因為我讓左個位俾個阿婆

我知君君都已經好攰，所以下次要快手d，狠心d，爭到位

係樂湖落車，因為同君君行新北江

好多人啊，有d就係咁叫人買書

君君好可愛=v="~係度為左買唔買對鞋而煩惱左好後

不過最後都冇買

行左好耐，到6點就送君君去搭車

返屋企途中，聽到有人嗌我

望下原來係阿撩(小丸)，唔識打佢英文名=_="...勁唔like叫佢丸仔

返到屋企飲啖左水就打俾老婆啦

原來老婆都好攰啦@3@

我都係好攰，想訓教

呵欠~又要開始準備晚餐了T/\T