本身今日君君話過黎，咁好開心啦，點知佢話落雨，唔出得，down晒=3=
咁我咪沖個涼，就去交租，之後見冇野做，又有d肚餓，就自己一個傻傻地6去m記食野
食完返到屋企見家姐用緊電腦，咁咪狗度坐陣
坐到咁上下就同佢落去，陪佢買cam
買完之後準備上佢屋企，幫佢裝啦，君君就打黎啦
佢想食壽司啦，我就話買完拎去佢屋企
點知佢又話唔洗，佢自己過黎
咁我返屋企換件衫，就去新北江買啦
買完就去天盛接君君@3@
等左1、2個字，就見到君君落車，我就行出去啦
之後一齊行返屋企
行緊果陣，我拎左君君個銀包，拎左之前果張用20蚊摺既心心
我拆左佢@_@~
跟住放返兩個心心落去
一個都係用20蚊摺既，一個就用500蚊摺既
加埋520~cc，我愛妳
出左糧3日，唔夠兩日就用剩百零蚊啦
因為我又買左好多漫畫~好抵@@4蚊一本，買左29本武神
雖然係二手，不過都好新淨，有排睇
返到屋企就同君君食壽司啦，冇耐阿志上左黎
不過阿志根慘=_="....俾我掉低左係廳，悶死佢
沒辦法啦，我要陪君君嘛
之後又同君君係廳度玩跳舞cc~
又睇左陣電視咁啦，不過君君電話係咁響
冇耐就返玩房@3@~
5點零咁，君君家姐就黎接佢返屋企啦
返到屋企煮煮下飯，miss魯打黎=_=''......佢話要見家長，因為成績差
搞錯，都升到啦，仲見到做乜
不過果陣媽沖緊涼，我就話晏d打黎啦，點知佢冇打黎~
那算吧，聽日先算
其實見我咪得囉，搞咁多咪得，自己做監護人唔得咩=_=
8點幾，阿狗冇啦啦話想打羽毛球+_+"....
冇所謂啦，陪佢玩下，點知落雨，打唔成
我地就同阿大上左銳哥屋企坐
佢屋企人好搞笑，特別佢媽，三句唔埋督係度哈哈大笑
11點幾蔡小姐打黎嗌我返屋企@3@咁傾左陣之後君君就訓啦
我坐多陣亦都返左屋企
岩岩就沖完涼，依家打緊日記
要諗下一陣有咩做先得啦，因為一d都唔眼訓
睇武神好啊，定係搵game玩呢?
|
