中國生日快樂!!!
一如以往，我地今日有一日假期，
唔同ge係，我無好似以往ge10月1號咁留o係屋企。
琴晚同MC約好左8:30o係等，不過琴晚要趕住畫野，好夜先訓，
原本應該8:00前出門，但係，變左8:00後先出到.........
諗住去筲箕灣應該好easy，但係原來要轉車轉車+轉車，
對於我呢d唔識搭地鐵ge人黎講，要咁樣轉車ge話就好似玩緊迷宮咁......
不過我都唔算太笨，好快就搵到個出口......
等埋MC之後就即刻行去海防博物館....
其實今日o係升旗禮之後有步操表演，o係ar Roy勸我ge情況下我決定去睇下。
行左一陣之後我地搵到目的地，好彩個show仲未開始。
一入到去就見到好耐無見ge fd，韋有程.....
估唔到我地仲記得大家.....
記得識佢果陣係o係NT Wg個parade，之後就無見過面。
我地係第一隊出場，不過見佢地好似好累咁，有d地方做得唔太好。
可能係第一隊出場掛......
跟住就到AC..sea cdt表演....
唔知點解，o係佢地表演緊ge時候俾我有一種唔係表演而當作係比賽ge感覺，
見到有d人操完之後因為有小小失誤覺得好唔開心，甚至有人喊左上黎....
明白ge，始終係唔同ge制服團體一齊表演，難免會比下去......
點都好，都係覺得我地好D!!!^^
個show有兩場，我同MC都睇到最後等埋佢地放先走。
之後就成大班人一齊去食野。
不過，我地唔係個個都識，搞到我地好似係外人咁，唔知羞咁埋人地堆.....
呢一刻，有d後悔今日去左睇- -"
之後MC佢地去mk，我就唯有自己一個返屋企.......
今晚有得睇煙花，不過，好似無乜大ge驚喜，驟眼睇落好似無乜新意......
所以，我只係睇左一半......
----------------------------------------------------------------------------------------------------------------------------------------------------------- 
MC~~ 好耐無見ge韋有程~
 
P.S. 相啊~~~我要相啊~~~!!!!!!
|
