記得第一次睇梁佩瑚ge小說係《遺落在天涯海角的心》，當時係由老友靜2介紹俾我睇，
唔知點解當我睇完呢本書之後，覺得佢寫得好好，寫作ge風格唔單只吸引到我，更令我難忘。
自此之後，每當我去書店，我一定會先留意佢ge書，多數認為寫ge野有同感，我就會二話不說將果本書買下。
到現時為止，放小說ge果層書架，梁佩瑚呢位作者依舊出現得最多，總共有七本......

錯了!!宜家應該係計八本!!因為琴日去到書店，見到佢出左兩本新書，一本係《假使有天重遇你》，
另一本係《我們能否愛下去》，由於當時資金有限，只能夠買得一本書，於是我分別睇左兩本書ge序，
發覺呢兩本書屬於同一故事，《假》係上集，《我》係下集，理所當然，我最後買ge係《假》一書。

斷斷續續，我大概用左兩至三個鐘ge時間將呢本書睇完，雖然唔係第一次睇梁佩瑚ge書，但係仍然感覺新鮮。
故事內容可能大家都有嘗試過，書中所講的感覺或者大家都能夠體會。講得無錯，緣分係需要把握ge，
如果感到喜歡，就唔好顧慮太多，唔應該呆等下一個機會來臨，應該捉緊眼前人，否則後悔都無用。

的確，「捉緊眼前人」呢句話聽過無數次，但每次我都只係識笑，而無去做，所以錯失好多機會。
事後我有後悔，但我可以點?!既然事情已經過去，機會已經失去，只可眼白白睇住機會流失。
每次我都話，「下次我一定唔會，下次我ㄧ定會把握機會，唔會令自己後悔!!」
但係，下一次我都係無咁做，搞到好多人都話我，鬧我。
我承認我o係呢方面無長大過，總係拖拖拉拉，但係經過呢一年所發生ge野，我算係林通左d野，
或者，我真係要好好打算下，學識捉緊眼前人。

或者，大家都係聽住先啦:P"