1，2，3，4......

睇住校歷表，數數手指，原來正常上課日(撇除考mock，放假etc.)只剩低22日，
22日之後，我地就唔再好似以前咁，坐o係422室，一齊上堂，一齊玩，一齊嘻嘻哈哈，
5A 44個人各有各努力，好好迎接09年會考。

回想起呢兩年ge生活，坦白講，真係好開心，特別係今年，
終於見到大家ge團結，感受到大家一齊努力ge氣氛。
曾經有問過，如果再揀，會揀邊班?
我會毫無疑問咁答你：A班。

可能離會考ge日子越黎越近啦，近排o係腦海裡面出現左好多畫面，
其實，我真係...真係越黎越怕，
我怕考得唔好，升唔返原校；
我怕升唔返黎，唔知讀邊間；
我怕要離開呢度，同時離開呢度ge朋友；
我怕離開一直習慣ge人和事，我會迷失；
我怕返唔到黎，完成唔到一直想做ge野；
我怕，我怕，我真係好怕... ...

每當我越去諗，視線就越黎越模糊，
所以呢排我唔敢再偷懶，唔敢唔讀書，
因為我真係唔想離開，唔想忽然轉變，唔想失去現有ge野，
無論咩原因都好，我只知目前最重要只係得會考。
每分每秒我都要同自己講：宜家唔讀書，日後失去d咩，只怪自己唔努力；
要得到想要ge野，目前就只有考好會考，別無他選。

呢度所有所有，俾過我，我用過，享受過等等ge野，實在令我好唔捨得，
一點都唔願意失去。

P.S.     姐妹們，現在大家都要放下某些事，始終會考最重要，
            萬大事還是會考過後才處理吧!!
            所謂有心不怕遲嘛~~