有無試過連續六日失眠既滋味啊？
放左成個禮拜假，我晚晚都訓唔著，每當我合埋眼，腦海就會出現好多好多畫面，
有關於學業既，有關於理想既，有關於自己既，有關於家庭既，亦有關於佢既，
我好累，我好想變返平常。
你問我訓唔著既原因，我自己都想知！可能係之前趕project通宵兩晚無訓而得到既後遺症，
但係都過左咁耐啦，咩都補返啦。
天氣凍，無可否認我會難訓著，但係訓訓下我個人都變返暖，又點會影響呢?
或者啦，凍既天氣令我覺得無咩安全感，可能呢樣係最影響我既野，
呼...或者呢段日子我他太習慣有佢o係我身邊，習慣得連訓覺都有呢種感覺。
每當合埋眼，出現果d畫面總係有佢做主角，我已經叫自己唔好再去諗，
但過左陣，又不自覺咁出現返，我都控制唔到ga!
夜夜失眠，你以為感覺好受咩?我都好辛苦，但有無人明白啊!?
我好想好想可以早d訓，就算我前一晚失眠，好夜先訓得著，
第二日要早起身，我係覺得累啊，但到左夜晚我又係訓唔著，
你話我可以點啊?我可以點啊?
我講你知，無錯你的確俾左好多提議我，希望幫到我，
但很抱歉，我真係仲解決唔到，
我想你去體諒我，安慰我，就算你講既方法幫唔到我我都唔會介意，
我只想你會講d野令我安心，就足夠。
你話你唔識講說話逗人開心，我唔覺架，
你係會，只係你無講。
簡簡單單一句說話我就可以笑，
我唔想俾你感覺係我要求你做d咩，只係我想講我宜家心裡面既感覺，
只係想講出黎，無其他。
今晚我繼續失眠，望住佢以前send俾我既sms，我個心有說不出的痛。
|
