Order No.94 Marksman Badge

The Commanding Officer has authorized the wearing of the Marksman Badge by the following members with retroactive effect from 1.8.08:

Rank              Name                    S/N                     Unit
  BC       KONG Chui Shan       F04-10549        No 311 Sqn

當我收到阿Roy留俾我ge呢段msg，我個反應係..."我終於等到啦.....!!"

雖然個章無可能o係今年之內擺到o係armlet，但我希望佢係我今年最早收到ge一份禮物。
可能大家會覺得有d無聊，但係..我真係好想好想有....

你地明嗎?

P.S.    ar Wing生日快樂!!!!

今日係我搬黎新屋ge第8日，點知咁快就遇上颱風ge到訪。

今朝起身已經掛左1號風球，天文台更話稍後時間很大機會掛3號......
不過對我黎，掛左都無咩關係，因為點都要返學....
一出到街，就開始感受到颱風ge威力，吹到個頭都亂晒。
可能打風ge關係，原本已經好少人行ge天橋變得更加少人，感覺好似得我一個人....
d風吹埋黎，我覺得今日ge氣溫低左好多，特別涼。
係溫度真係低左，定或是純屬心理影響?...............

明明打緊風，仲滿懷希望以為呢個Day 7唔洗排隊，點知最後都逃不過。
o係范sir同其他form宣佈之時就係我地檢查校服ge時間。最後大家都輕鬆過關，無人要企出去記名....^^

Chin堂繼續琴日ge口頭匯報，幾個同學講完之後終於輪到我啦。
出到去果陣本來都唔太緊張，但唔知點解後尾越講越緊張....
記得以前出去做短講，雖然都會緊張，但係越講就會越輕鬆，但今次....
唉~講到腳都震埋~@@

Eng堂做listening，Ms Luk見我地好攰咁，就同我地玩黑板默書。
簡簡單單ge一個遊戲已經令我覺得自己ge英文差，
好似比起以前ge我差左好多。
以前果個我，究竟去左邊?

放學前已經落緊雨，今次天文台ge預測真準，黃昏時間颱風就會接近香港，
更可能改發8號風球。
因為呢個原因，chem唔洗補課，我可以早返屋企lu~!!
諗返起，自從搬左之後，我都好似未試過天黑前返屋企，
今日係第一次..........

P.S.   寂寞讓人徬徨，讓人慌張，
         我開始怕… …

中秋節假期前ge禮拜五，
唔知點解唔多想返學，
個人好攰好攰....

為左搬屋ge事，我已經差唔多有兩個禮拜無見過爸媽。
佢地日日都要為每樣野操心，煩惱。
總之，搬屋絕不好玩!!

今年沙頭角多左好多F.1，
排隊等車ge人好似比上年多左幾倍。
記得以前6點50分出門口，
去到車站等車只需幾分鐘就上到車。
就算要排長龍都係最多等五至十分鐘度。
今時真係唔同往日，宜家就算6點45分出門口，
去到車站等上車都要等成十幾分鐘，
天氣又熱，又等得耐，難怪會有人「打尖」......

今日我地無周會，果兩堂麥sir攞左黎做bio堂，
本來佢話先quiz，但係o係我地班ge群眾壓力ge影響下，
都係照返之前計劃，放學先quiz。
太好啦!!咁樣就可以有多d時間俾我溫.....

Maths堂再次進入低潮，唔知做咩呢幾日個腦好實，
唔識轉彎，諗極都諗唔到。
究竟係我蠢，定係我懶?!
我真係唔知........

返到屋企，媽媽終於返左黎，
不過可能已經慣左之前媽媽唔o係屋企ge日子，
好多以前依賴媽媽做ge野自己會去做。
呢個月發生太多太多野，可能....
真係經一事，長一智掛.....

聽日補art，不過到宜家我仲未畫到三幅草圖。
我要努力先得.......!!

P.S.    我相信，我真的可以!!!