Day 1的今日有週會...
係英文問答比賽...
關於奧運的...
好開心~
4A贏左!!!
辛苦Lindas & Yan~~!!!

玩扭計玩左咁多日...
始終都扭唔得晒...
淨係扭得果一面....
點知今日竟然發現左個[骰]魔....
超勁啊~
見住佢用左一陣就扭完....
極快!!
嗯~我真係要向佢偷多d師先得!!
[[好勁啊!!扭計立!!!~XD"]]

放學去左整art club個board...
始終覺得唔夠好....
總係有d地方做得唔完美....
Ms鍾話我太追求完美....
我認ga...
雖然係普普通通ge一塊board...
你地會覺得根本唔洗睇得咁重....
但我會當呢份係我ge作品...
對住每件藝術ge野我一定會用好多心機去做...
傻嗎??
這就是我!!
我是追求完美...
我要追求完美...
呢個就係我完成每份藝術品ge態度....

放學果陣塞車...
初初以為無乜野...點知原來前面發生車禍....
好似仲話撞到個人....
希望果個人無事啦....
祝福佢!!
就係咁....我用左2個鐘先返到屋企...
疲倦的下午~~!

P. S.  現在的我離開,不等於我永遠離開,
         不等於忘記這裡的喜怒哀樂,
         我為這裡付出多少,那一日我要取回多少,
         我要得到我應得的,一天未完成心願,一天也不放手!!!!
         記得我說過的話...........

雖然清明節過左...
但為左要就家人ge時間...
所以到今日先去拜山...

到粉嶺同媽媽會合之後即刻搭火車去旺角...
因為巴士等得超耐...
搞到遲晒大到...
d親戚早就到晒....
真不好意思!!!

坐住親戚ge車....
有種感覺...
講不出口...
好快就到左墳場...
因為封左路....
唯有行一大段路上去....

拜完山之後去左飲茶...
d野食好好味啊~!!
但係價錢好貴....
食完之後無野做....
媽媽要整眼鏡....
所以我跟左d親戚去荃灣玩遙控飛機....
果度有好多高手...
個個都玩得好好....
當然我d親戚都唔例外....
見到佢地玩....
真係好想玩....
或者我係有d男仔頭掛...
玩飛機ge全部都係男性....
得我係女...
而且仲咁感興趣...
好奇怪吧?!

玩到4點幾就返屋企...
真開心的一日....

琴日買左梁佩瑚[讓我愛你三十天]...
好好睇....
無意中先發現自己做左佢ge fans...
不過...佢d書真係好好睇....
睇到自己都融入左個故事度咁....
期待佢下一本新書...

P.S.   是真的愛上了你...
         還是只對你有一絲的好感?
         怎辦好?!

今日同英英&Jessica去街....
首先去MK唱k...
一路上我地都玩緊扭計骰...
係咁研究研究....
但始終都扭唔到....
嗚嗚~

唱到1點幾....
英英要去買書....
點知去到商務....
本書賣曬....
話得尖沙咀有...
我地唯有去搵....
順便去攞野...

o係朗豪坊逗留左一陣就搭地鐵過去....
點知出左閘有d迷路....
行左勁耐先到....
攞完野就o係海港城行左陣就離開....
英英始終搵唔到間商務...
所以我地飛返上水....
希望有得買....

搭火車果陣又玩扭計骰...
睇黎....我地真係上左癮...
一程車之後...我地開始搵到方法...
太好了!!

英英要果本書真係好好賣....
連上水兩間商務都賣曬...
唯有遲d再買啦....
就咁就結束今日ge"尖旺一日遊"啦~

P.S.   扭計骰啊扭計骰~
         你唔好扭計好嗎?!
         快d俾我地扭到你啦~~~