我欠你一千句一萬句對唔住

我自私我卑鄙

細個時有我係度既日子你大概無點樣開心過

你係作文到寫既野當時我聽到既感覺係

誇張...扮野...毛管動

我係咪好賤格?

而家我又見到你篇BLOG

我知你會好唔開心

但我無易地而處為你諗過

如果係我...點知想死咁簡單

只因我無可能會發生D咁既事

我就自以為是

以為以你性格好快接受到

反正你比我更容易識人

我就係選擇忽略你既感受

我從來都無諗你到底適唔適應到

你如果係果度交唔到朋友點算

識到又唔夾咁點算

無選擇之下你都只可以迎合

我希望係我誇張

如果唔係....久而久之或你自己都會覺得你本來就係咁

或者我唔應該睇到咁差

因為可能佢地真係當你好朋友

但睇住你一識左佢地就做出一D明知個個都會擔心既野

我好怕你真係做一D番唔到轉頭既野

你每一次UPDATE  STATUS我就逐字逐字斟酌

有咩蛛絲馬跡係情況變壞既證據

我已經完全唔識諗D好既野

次次都煩佢..問佢覺得你係咪有第二D意思

我知佢想殺左我

但我真係好驚好驚

每次一到呢D時候我就會覺得

自己點解要咁揀

點解唔留係澳門

但諗諗下又覺得就算我留左係澳門其實都幫唔到D乜野

反而我成日發脾氣可能會搞到情況更差

就算我上兩次覺得有D唔妥

結果都係一路拖拖拖

根本無諗到解決既辨法

我上次話打俾你MISS問我又唔記得左

而家連班主任叫咩名都UP唔出

淨記得佢姓馮

咩都唔上心

我覺得自己真係成碌柒咁

我都唔知自己想講咩

希望我仲可以補救

唉......

我到底想你睇到定唔想你睇到...?

好多野我想講又唔識講

就算敢講都唔知點有條理D婉轉冷靜地講

而家就連打字..我既思緒都斷下斷下

呢度補D果度補D

唉

我對住自己

真係只可以嘆氣