我地o既啦啦隊今日拿到金奬啦！還有最佳口號大奬！

所有努力沒有白費！每個人的表現都好好！

夜晚o既韓燒慶功宴，超級超級開心！

每個啦啦隊o既成員，我同亞雯老師，真的以你們為榮！

YYC，GO，FIGHT，WIN！

金牌口號：

YYC，

Go the whole hog    （全力以赴）

Fight against drugs （遠離毒品）

Win a bright life！    （活出精彩人生！）

我地希望，啦啦隊精神，可以帶動更多學生，歡迎大家在未來的日子裡踴躍參加或支持我地o既啦啦隊活動！敏敏老師相信，亞雯老師同敏敏老師，一定可以帶給你不一樣的學習經歷和快樂生活！YEAH！

新年期間，失去了最最最疼愛我也是我最最最疼愛的外公...

由年二十九才得知他有重病、到見到他昏迷的樣子，再到初六得知他離開，每晚也在失眠和痛哭中度過...因為要趕回來返工，最後也沒能送他最後一程...家人知道我最疼愛外公，又擔心外公知道自己的病情會過度擔心甚至放棄治療，所以一直以來，全家人只有我和外公兩個完完全全不知道任何關於他病情的事情...沒有任何準備回到家，見到的卻是昏迷不醒、極瘦弱、極痛苦的外公，僅僅六日，我就完完全全、永遠的失去了他...讓我如何接受這樣的打擊和事實...

每天，都著住黑色衫、懷著極沉重的心情回學校，雖然拼命壓抑控制自己不要哭，但是昨天和今天還是忍不住在學校大哭起來...今日同F.1上堂，講到一個小朋友發夢去海洋公園，我就想到自己以後之能祈求在夢中與外公相見，眼淚就又止不住的流下來...又擔心他會不會真係飲o左夢婆湯就會忘記我，再也不會回來夢中與我相見...心情，就更難受！

眼睛，已經哭到看東西都模模糊糊，不過還好回來學校，你們依然令到我心情可以平復...令到我暫時忘記自己已經永遠失去外公的事實...

我不知道自己還需要多少時間去平復心情...但是感謝身邊有可愛的你們、照顧我的同事，遠方有關愛自己的家人...

雖然永遠都不捨，但希望外公，一路走好...

今天，一洗之前的懶散，瘋狂o甘工作...工作...工作...改晒所有英文卷，入晒分，處理晒大大小小o既事務，勁！

學生o既成績，點講好呢？...有意外，亦有驚喜...敏敏老師奬罰分明，進步o左o既一定會有獎！...退步o左o既一定會罵會罰，哈哈...已經有人中o左招嘍！

我們要努力的，還有很多，一起加油啦！

講到這裡先，今晚要為明天啦啦隊的訓練做準備！大家加油！

 哇！個天氣終於都暖返...我終於都似返個人啦！...之前個天氣超凍，感覺自己完全係處於一隻豬o既狀態，每日都超眼訓...食飽...又眼訓...返工...繼續眼訓...試果行路都晃來晃去差D訓o左....訓...食...訓...食...再訓...再食...救命！

好，冬眠過後...工作排山倒海...山o甘高o既卷要改...組織中三情人節活動...啦啦隊排舞...戲劇排練......以及一系列o既開會...敏敏老師，強勢歸來！

各位同學，都要加油啊！

首先，多謝大家的關心！...敏敏冇事啦...又開心返...多謝大家！

大家平安夜過得開心嗎？幸福嗎？

我的平安夜，看了張藝謀導演的新片《三槍拍案驚奇》...笑到翻肚...又有懸疑戲份...超級好看！...強烈推薦......平安夜最開心莫過於與心愛的人一起度過吧...有他陪伴，這個聖誕很滿足、很開心、很幸福......希望你們也是一樣啊！

今天，超級開心，因為終於買到Jenny Bakery（赤柱曲奇）...朝早起身由九龍灣出發，十一點鐘到達油麻地分店，一開鋪，已經要排隊購買...今次係第三次來買啦！先前兩次都買吾到，因為D曲奇超級好食，所以每日限量發售...早上十一點開門，我上次下午三點去買，已經買晒！...今次三次出擊！終於買到啦！俾你地看相先...開學前會再買D返學校，想試下就來七樓找我啦...我請你地食呀！...

細盒係杏仁片，兩個中盒分別係4味混合同8味混合...係返來途中，已經忍吾住開來食...哈哈...為食怪敏敏！...D盒又好靚，應該係聖誕特別版吧...^_^....會吾會覺得我買得太多呢？...其實D人個個去襯都買7盒8盒走，我都算買得少啦...如果吾係，就吾會o甘快賣晒啦！....你地返學快來找我啦...我都係限量供應啊！...嘻嘻...

講住o甘多先，祝大家聖誕快樂！開開心心！