今日,其實本來心情都唔錯,
都幾開心.......
不過去到臨離開學校個陣,
就有d令我唔開心ge事發生左........
正如早兩日所講,Jason 係極度勢利(只想識女仔同幫到自己ge人)以及排外.......
今日,佢地傾緊8月去台灣,
好明顯地,佢係無預我ge.....
後來,唔知邊個講左句,先有話叫埋我,
走個陣,同佢,同阿芬一齊走,
佢一句野都無同我講過,全程只顧住同阿芬傾計,
我完全俾人無視左.......
我開始明白點解有d人會成日都覺得無存在感,原來就係因為呢d人存在........
多得佢地,先會有咁多心靈空虛ge人出現!
以前,我都會只想識d幫到我ge人,但後來我變左啦,
我變得無咁勢利,只要性格上合得黎,無論外貌,無論成績,我都同佢做朋友,
因此,依家ge我係極度極度討厭呢種咁勢利ge做法!
之前同佢一齊去交流團個陣,听到我仲同Ken Tong 做 Friend,有Contact時,
佢係用鄙視ge tone同我講野,仲同我講,應該搵d對自己有幫助ge朋友,
呢d無成績,無用ge人唔好識,
講真,個次之後,佢就成日都講埋呢d嘢,一d勢利以及排外ge野........
無可否認,佢比我更識做人,識得討人歡喜,識ge朋友亦係一d對佢有幫助ge人,
但我始終唔鍾意佢呢種做法,
我唔認為識朋友要考慮身份,背景,
亦唔認為,識成績好,外貌好ge朋友,自己都會成績好,外貌好.......
更加唔認為我有必要貶低人地,抬高自己.........
做朋友咪做朋友lo,要考慮咁多咩?
可能係我思想單純,但我寧願一直單純......
對於呢次台灣之行,其實我真的唔係好想去,
原因係因為我唔係好鍾意某幾人,如Jason,
另外,只同佢地之中某幾個熟絡,若果去到之後,自己一個人活動,走失左咁點算?
我諗我就算走失左佢地都唔會知道,唔會在意lo,
咁ge話,我去黎咪好無安全感,好孤獨,好寂寞?
佢地約ge人,都係佢地自己相熟ge,我識ge就只得個幾個,
去到台灣時,咪好似要爭寵咁先有人理我?!
偏偏我識ge幾個人,我同佢地都唔係最熟絡果d,咁叫我點算好wo,
去到咪注定一個人lo!
不過,自己又真係想去一趟台灣,唉........
覺得自己好無謂lo,其實若果佢地真係唔想我去,
唔需要為左面子而叫埋我去,我一d都唔會介意,
但係佢地4個一齊傾果陣,又無搵我,明明我係度,又好得閒,都無叫我,
之後突然叫埋我去,可以叫人相信我重要嗎?
若果真係一開始有心叫我去,就一開始叫埋我一齊入去傾啦,唔係咩?
既然唔想又何必叫我去呢,搞到咁尷尬呢?
雖然我依家感到唔係幾開心,以及尷尬,不過都要多謝提我個名ge人ge.....
真係好懷念以前,有1-2個知心朋友,
對我不離不棄,共同進退,
只有佢地,我唔會懷疑自己係佢地心中ge地位........
依家ge我,其實最怕就係,有人會分薄我係朋友心中ge份量,
分薄左朋友對我ge關注以及友情.......
有時,真係好想講:你講咁多做咩呢?實際咁表現出黎好唔好!
雖然嘴上唔講,但其實我為你地做左唔少嘢,
有時我始終認為沉默好.........
容許我自己鼓勵下自己,
我係無可能同每個圈子裏ge人都熟悉,
我亦無需要同每個圈子裏ge人都熟悉,
識朋友,唔需要考慮其他:成績,外貌,小圈子,
只要合得來就可以啦!
雖然佢地有佢地ge小圈子,可以俾我ge時間唔多,
達唔到我期望ge,不過........
事實就係事實......
我同佢地之間ge關係,只值得佢地俾咁多時間我,無計啦........
唔好諗咁多!就算有時見到佢地同佢圈裏面ge人傾得開心,亦唔需要心痛!
畢竟,我都係圈外人呀ma! (自諷)
哈哈........
|
