尋晚,阿媽約左何太同何琪去飲荼,

咁我本住無咩所謂ge心情就同細佬跟埋去啦,

7 點幾起身,8點幾出門口,

9 點幾上到酒樓, 食左好多好多嘢,然後去到11點幾就走左lu,

本來今日就係約左人1點鐘係九龍灣MTR俾d嘢佢,

11點幾食完,時間唔上唔落,返屋企又有d無謂,

結果就同阿媽,何太,何琪一齊行下,hea時間......

跟住佢地由九龍灣明星行到去觀塘街市,

順便就走左去買高考Listening 要用ge收音機,

買完之後就12點幾,諗諗下都差唔多係時間赴約啦,

不過,何琪話想返樂華食菠蘿冰,咁我咪陪佢由觀塘行上樂華lo,

之後,係樂華士多陪佢買左菠蘿冰啦,去波仔買左羅宋湯,

一路上終於見識到何琪真實為食ge一面,

佢提出將近十樣佢自己想食ge嘢,為食程度比我有過之而無不及,

最令我疑惑ge係,佢咁為食,佢係點樣保持住咁瘦ge呢?

呢個....係一個謎........

去完樂華,我終於邁步向九龍灣再進發,

到安基宛時,佢又話要去睇下有無菠蘿冰賣(下次唔洗走到咁遠去wo.....)

最後最後,我就係走上九龍灣MTR啦.....

俾何琪fake左,佢同我講淘大嗰個出口,係C出口,

仲話一定係,原因為出口應該係順住咁數落去,

下村嗰邊係A,咁淘大嗰邊就應該係C,

結果...當然係我岩,佢錯左....

枉我信左佢一下.....

去左嗰陣,我已經俾原定時間遲左10 min,為左唔俾人鬧,

我梗係要出d招數先得啦,

我搵左何琪過橋(鬼叫佢點我咩!)

其實都唔算ge,畢竟佢只係陪我一齊去啫,

然後企埋一邊啫,不過我那朋友就有鑑於有外人,無鬧我啦,哈!

之後,就同何琪道別,時間大約為1點半,

我去德福間M記,因為有第2個約會,

我約左Ken Tong食lunch,

食左個餐,跟住就陪佢吹水,

吹左個幾鐘,然後就同佢係四周行下,

首先又去淘大(汗)買涼荼,

之後就四周行行行,去左星輝到扭左2隻蛋,

無左20蚊,心痛.....(銀包仙都唔仙下)

然後去左百佳,惠康,DSC等等,

去到4點鐘,我實在太攰啦,就返屋企去lu.....

返到屋企,用左電腦唔係好耐,就發現上唔到網......

打左電話去,搞到岩先先有得用,

好彩有得用咋,如果唔係,我就無得打blog lu.......

Hea左整整1日添,好慚愧,

個個都係度好努力咁溫書,

而我就Hea左.......

听日一定要更努力咁去溫書先得!

Fight !!!!!!!!!!