平淡ge一天,

但有幾件事值得我一提,關注,

第一件事係我今日搞亂左阿龜個頭,佢居然無嬲我,奇怪.....

平時應該都打左我啦!但今日好似無咩事發生.....

第二件事係我唔見左個Applied Maths File,

嚇到我死下死下,我全部Notes 都係入面,

若果唔見左,我就大件事啦!

好彩,最後都搵得返我ge心肝寶貝,失而復得,太好啦!

第三件事就係阿龜問我有無後悔今日整亂佢果頭啦,

我好好奇,點解佢咁問?不過我ge答案就梗係唔後悔啦!

答果陣時,都驚會唔會答完之後佢有咩肢體動作,

準備走人ge啦,但佢又好平淡,仲話走之前講個秘密俾我听,點解會咁ge呢?

呢度,就要提及第四件事啦,

因為我一時不慎,講左嘢,佢又唔話我知個秘密啦,究竟佢想同我講咩呢?

我真係好想知,俾佢搞到我心唔上唔落,

第五件事關於阿芬,點解佢呢排成日都唔留呢?真係因為天氣凍定咩呢?

未放假之前都有幾日天氣好凍,但佢都留低,

係佢依家懶左,唔想留,定係佢因為某d原因唔想留,又或者係因為夜晚有咩做所以唔留呢?

雖然我唔想諗到咁不堪,但我真係有諗過佢應該唔會為左避開我所以唔留掛?

當然啦,我都係諗下啫,話唔定係因為佢識左個男朋友仔所以唔留呢!

呢樣嘢其實十分小事,不過我好想知啫,

第六件事就係阿官同Jason啦,

今日我留低學校溫書,

同阿官一齊食嘢,

當有提及到佢尋日ge表現,佢話係感情問題,仲話係因為我,

究竟呢句說話有幾多成係真ge呢?

何解又會關我事呀?我除左催佢還錢之外好似咩都無做過wo!

何解我會影響到佢地之間ge感情呢?

呢句話係玩我定係事實真相呢?

我諗極都唔明白何解會關我事lo.......

可能係我多疑,多心啦,畢竟我咩都無做過,點影響佢地呀?

跟住就溫書,溫到9點幾,返屋企,

一直用電腦,hea 下 hea 下就到依家啦,

都夜啦,訓覺啦,希望發個好夢啦!

將一切疑問,煩惱都全拋諸腦後,忘掉!