今日發生左好多事,
今日一返到學校就同人嘈起黎,
條仆街,死八婆平時把嘴賤到不得了,
又要串人,又唔俾人串得,
有咁好ge事個個都想啦!
本來都諗住費事睬佢,
佢好死唔死鬧我阿媽,
我成世人最最討厭有人鬧我屋企人,
不過,佢無品,我有,佢鬧我唔代表我要鬧佢,
但我打從心底裏鄙視佢lo,
佢成日都自以為自己有顯赫ge家座背景,
家景富有,
仲成日都話自己屋企人好勁,阿爸係咩,阿媽係咩,自己又點,
哼,end up,原來佢屋企d人都無家教ge,接受過高水平ge教育,
但道德水平卻如此地低,
做人有自知之明,若果表現出黎係咁粗魯,無品,賤嘴,就唔好成日矖命,矖呢樣矖個樣咁啦!
我認我屋企係粗人呀,我自己唔算係一個好人,
但我都知咩叫禮貌,咩叫個人修養,
呢d人自認為係女仔就恃勢凌人,自以為自己係老大,
其實係人地費事同佢地一般見識咋,
好心佢掂量一下自己ge份量啦!
之後就同佢反曬面啦,可能會有d不良後果,不過我都唔理啦!
無可否認,我係呢間學校唯一識ge朋友中,好多都同佢有唔錯ge關係,
若果我同佢翻面ge話,可能會影響到我同呢d人ge關係,
但我有我底線,觸犯到ge人就意味我地永遠無可能做朋友,
要是佢地選擇呢個賤人,遠離我,疏遠我,
我無話好說,只能認左佢,
要是佢地唔介意我同呢個賤人反左面,繼續同我做朋友,
我都唔介意繼續,最多以後唔同個賤人講野,
我都唔想佢地難做,決定權係佢地到,
雖然我都明白到一定要佢地揀ge話,十有八九唔會係我,
但我都唔會太再意,維持基本原則係我一定要做ge事,
由早兩日,我就已經決定唔將佢地睇得太重要,
我要學會享受孤獨,習慣孤獨
因此,佢地想點做就點做啦!
Zoe 過兩日就返英國,
學校班fd 走去佢屋企同佢歡送,
好多好多我那圈子ge人都去左,
我並沒有得到邀請,
其實我都明白點解會咁,
因為我同呢班fd 係中六七先熟d,
而Zoe 響中五後就走左,我自然無可能同佢熟啦,
不過都會驚若果日後成日都係咁,
我咪同佢地ge共同回憶愈黎愈少,
我最後都會俾佢地排出圈外,
雖然我明白到呢個事實,但出奇地,
我今次無再諗d咩,可能真係睇開左,
呢d野就係咁奇,諗唔明就諗唔明,一諗通就無所謂啦,
若果日後佢地仲記得我咪記得lo,
想搵我出黎咪出黎lo,
唔記得咪算lo
畢業後有興趣搵佢地咪搵lo,
無興趣咪算lo,
我愈黎愈將佢地看輕,
只當同佢地一齊ge時間係social 下,可有可無ge野,
反正我就算係剩低個幾個月用再多ge時間,都無可能成為佢地ge死黨,
與其係咁,不如將佢地看得輕輕的吧!
Lunch 果陣,自己一個人食,原因都有幾個ge,
一黎病病地,唔想傳染人地,
二黎我唔知點面對呢班學校ge fd,
三黎我唔開心
最後都係Alfread 陪我傾計,
之後,原本想睇下佢同Koala係度做咩ge,不過原來係佢地兩個ge秘密,
唔俾得人知,睇到佢地慌慌張張咁收起,
其實我有d覺得好笑,又有d覺得唔好意思,
我又真係幾好奇佢地究竟傾咩呢?
不過,佢地唔想俾其他人知,我都尊重ge....
講到最後,其實我係要多謝Alfread,
今日咁長ge時間,雖然都有唔少人睇出我唔對路,
但就只有佢一個人陪我傾計,
開解我,雖然短短ge半年未必可以令我地成為好好ge朋友,
有好深厚ge友誼,
但你為我所做ge,我會永遠記得,
即使你將來唔記得我啦,我都會感激你,
係度講聲多謝!
|
