今日好似情緒病又發作咁,

成個人變左樣,

其實我點解會咁呢?

會唔會好似Alfred 話咁:我好想將自己呈現出黎,但又本能地屈住呢?

我諗可能佢係正確ge,我的確好想人地了解我,但又怕會受到傷害.......

朋友係我心中分左幾個級別,

有點頭之交,有普通朋友,有好朋友,有知己朋友,

每當我當一個人為好朋友時,我就會希望得到同等待遇,希望佢都當我係好朋友.......

而當我察覺唔到佢當我係好朋友時,我就會唔對路,

我都明白其實咁樣係唔得,但就係不由自主地變成咁.......

可能係我心目中ge朋友太理想化啦,

往往都無人做到先會咁,

我一次又一次咁想搵佢地傾,

但話題係關於佢地,話俾佢地听又好似唔係幾好,

而且最重要ge,係我怕受到更大ge傷害,

當你同佢講嗰時,若果佢其實十分唔願意,或者係覺得你煩,

咁我應該點呢?係話自己自作多情?咁受到ge打擊咪仲大......

我ge心好脆弱,已經不起再一次ge打擊,

又或者係因為我明白太多自己個人ge缺點先唔去搵佢地,

驚佢地離棄我......

我就好似有兩個人格咁,已經唔知道邊個係真實ge一個啦.....

一個係平時,笑着對所有人,十分隨和,易話為,

一個係小氣,自私,麻煩,冷酷,無情,

兩個都係我,但兩個都唔係理想ge我......

第一個ge我,識到好多點頭之交,朋友,但好似幫唔到我識好朋友,

而第二個我,好似從來都係自己一個,未有過朋友......

其實我想擁有ge係好朋友同知己好友......

問過Siu Ben,交朋友有咩心得,

佢俾我ge答案係攞個心出黎,可能係正確掛,

可惜,我怕,我怕真實ge我,當攞個心出黎嗰時會俾人離棄......

因為我實在有太多缺點啦,

雖然話朋友要和而不同,但又有幾多個人可以做到呢?

而且我ge心已經係千瘡百孔啦......

人越大,諗ge野就越多同越複雜,

以上ge一切可能都只係我諗多左,

但一切都有可能......

就算只係一個大話呃住我,我都肯,只有唔好俾我發現到真相.......

人際關係愈黎愈複雜,已經複雜到我再難以相象,

我只想回到過去,過住以前單純,無憂無慮,簡單但真實ge生活.........

早幾日,朝早返去見到一個朋友(我當佢係好朋友,唔知佢點睇)

就坐係佢旁邊啦,但之後愈黎愈多人坐埋一齊,

或者我係應該開心,但我開心唔出,因為我明白到佢地無一個係因為我先坐係個度,

佢地係因為那朋友.....

明白到或者叫察覺到呢一點,令我明白到其實我係多餘ge,

我朋友身旁根本就無我容身之處,

對此,我亦唔想同其實人坐啦,反正佢地都無在乎過我,

我決定離開,雖然嗰個時間離開好怪,但我仍然離開......

好悲哀,但係事實.....

唔止一次又一次有衝動想打電話俾佢地,講清楚,

但基於我ge軟弱,我都無打俾佢地,

send sms已經係我ge極限啦......

渴望同佢地關係更進一步,但唔明佢地係點諗,更好似覺得佢地無呢個意思,我應該點做呢?

點解次次交朋友,都係一次一次由陌生變朋友,再由朋友變返做陌生人呢?

係我的錯嗎?

主動進一步.卻發現一切都白費心機,令情緒冷下來,然後友誼就宣告完蛋?

若果需要一次又一次經歷呢種傷痛,我寧願一開始沒有.........

由開始到結尾都獨自一個人,或者我會過得更開心......

係人地ge身邊,我無法子搵到自己ge角色,我ge角色係d咩呢?

佢地邊睇我,當我係d咩呢?

好渴望一個一直願意听你講野,心靈上無時無刻與你同在ge人,

好似數碼暴龍中,數碼暴龍同8位小朋友之間ge關係一樣......

把我看得更重要,我想我會開心d.......

我並不是用完即棄,隨處可拋ge垃圾,

我有我ge自尊!

若果有人嘗試了解我,我會露出我ge心更多,

雖然可能我係麻煩ge人,要長時間先有成效,

但若果有心的話,請別離棄我.........

請.......別離棄......我..........