今日終於裝返寬頻啦!
成半個月都無用過電腦啦,
終於今日我可以用啦,
發覺今日我好似唔識打字咁,唔知係唔係因為我太耐無打字呢?
呢半個月黎,我地中七好似發生左好多事,
首先就係大學聯招ge問題,依家就要我地去上網報名,註冊,
而註冊前就要俾錢先wo,
然後又到最重要ge選科問題啦wo,
選科問題真係令我頭大,
上個星期,學校派左projection,估我高考拎d咩 grade,
點知全部D 曬,得中化拎 C,
雖然都入到大學,
但都唔知好大學同好subject,
上兩個星期去左UST,今日去左中大,
好忙lo,
尋日就係學校ge 水運會,
都幾無聊,又無做過d咩,睇人比賽,
實在覺得有d曬我時間,不如比d時間我溫書好過啦,
而係水運之後好快就到陸運,
作為今年學校唯一ge畢業班,我地需要訂製班 tee,
但係呢個問題令我地seven有d分歧,
首先就係選色問題啦,其實我就唔鍾意桃紅色,
不過畢竟係大伙人ge意願,都算啦,
而佢地之後話係班tee上寫:we are all super seven,
呢個我地ban左,因為好似好無面,
最後就定左個雖然唔係好鍾意,不過都過得去ge,
點知,a班d人,又要報錯時間俾我地,
將需要2-3個星期先起到貨講成2-3日,
到定曬先黎同我地講,
然後又要私自轉製造商,無同我地講,
但搵個間又要有好多limitation,好多野同我地傾個時完全唔同,
本來佢地呢個情況下係唔應該俾錢ge,
唔知佢地發生咩事,又要俾曬錢,
完全無inform過我地b班ge人,
依家感覺上就係a班話曬事,但又要做錯事,
唉,最後1年ge班tee,唔知會變左做咩樣,
希望唔好太差啦,
不過呢d都無小事,
依家對我黎講,最重要都係將d grade up 返曬上黎,
令我上到大學,最重要.......
|
