11點半就醒左, 賴下床12點幾先肯起身, 去開China Service, 雖然覺得好辛苦 (放假都要開會), 但見到班中學生又好開心, 起碼我既師弟妹都有心做service, 希望我地俾佢地既意見會令到佢地有得著!!

Yeah!!!!! 4點出發去我期待已久既Halloween, 雖然有人遲左40分鐘, 不過已經有進步ga la!!

本身上左架去正門既巴士, 點知係去左後門!!! 好多人排隊等入場呀!! 先去灣景餐廳食飯, 以為好多人啦!! 點知得幾台有人…如果日頭去個度食, 個view 一定好正^^ 去玩第一個鬼屋”死囚浩劫” 由於有fast pass 既關系, 唔需要10min 就入左去 ^^ 不過, 其實係行鬼屋lor…d人一個跟一個咁行, 其實都知道哂前面邊度有鬼咁濟, 不過, ocean park 做間鬼屋都好細致, d道具好真!! 7間鬼屋, 我最鐘意”冥通大靈堂”同”鍾馗捉鬼”, 由”冥通大靈堂”條normal queue 有幾長就知佢既受歡迎程度, 我唸起碼要排2個鐘吧 @.@ 

一路上都有好多鬼嚇你或同你影相, 又有show睇, 氣氛好好呢!!

呀!! 仲有玩越礦飛車, oh…可能玩過其他更激既過山車, 而家呢一個, 一d難度都冇… 好事定壞事??

Surprise at cable car, 多謝!! 好靚呀!! 真係好鐘意!! 多謝^^

今日真係好開心…多謝你呀!! ^0^