今日第一次落場, 去左惠洲高爾夫球場!! 一早7點鐘唸住一齊食早餐, 最後緊係自已食兼做埋外賣仔啦!!

由皇岡坐多個半鐘車就到, 一去到就做d基本練習, 好在團友們都唔係好識打…有好幾個都係第一次落場!! 練習左大慨個半鐘就食lunch lu…在大堂竟然撞到Edward!! 呢個世界真係好細!!

終於都開波啦!!!!!!!!!!!!!!!!!!!!!!!!!!!!!!!!!! 落場同driving range真係差好遠, d草長d都好難打啦!! 又落沙, 又落水 >.< 好彩都係唔見左3個波jei ^^

落左場, 終於明白點解d人咁鐘意打golf!! 風景又靚, 全部都係綠色既植物, 冇車 (不過有戰機 =.=”) 個個洞都有唔同既難度!!

我既表現比起其他團友都算係咁啦!! 不過要練準d…..俾多2個月時間我, 支driver 就應該控制到ga la!!

今日超開心呀!! 期待下一次!!