件事係咁既...

今日中文堂,我講左一句說話搞到我隔離果位同學喊
(宜家提起都有少少感囑)

我話:冇你呀,紫華呀,羅品呀在呢班,我實會悶死架
跟住我隔離果位就眼濕濕,最後仲喊埋添
我心諗:死啦,好地地無端端做乜喊呀?唔通我講錯野?或者我做錯野?但我乜都冇做過喎!!
跟住佢喊到兩隻眼又紅又腫,
我就問:佢係咪我做錯野呀?你唔好咁la...
但佢就話無野,跟住我就開始驚喇,死火,我從來冇見佢流過一滴淚架,問佢做乜事喊又唔肯講
後來佩英果d望過黎,人人以為我整喊人,跟住我扮哂野咁攞左佢果張英文工作紙黎睇,咁先冇惹人懷疑咋
當時真係好驚呀,抽手旁觀又唔得,想安慰既話我又好似唔好意思咁

冷靜左5min,佢肯講出真相,原來佢為左我果句"冇你呀,紫華呀,羅品呀在呢班,我實會悶死架"呢句說話而諗翻起以前D野
以前同D熟人玩開,玩慣,忽然一下子走哂(果種心情曾經在李淑X身上,一年後既今日我終於領會到...)
冇哂舊朋友,好似幾個人去左個荒島咁...果種心情好難受
同D班D人玩咪姐係仲傻得快...??

但我安慰佢,因為即使得翻幾個都好,都可以玩得開開心心,E班既中文堂我地都會同佢地一齊上
加上我地又將每逢星期五定為"糖水日",我地會約埋舊年2E既FD一齊去九龍城食糖水,我咁樣講佢心情先好少少咋...

希望來年理科見