今日心血來潮....突然想將我自己既初戀講下比大家知~~
我只係一個好普通既男仔...我既初戀係系我5年班開始...我個陣係一個班長...每日都要幫miss拎d值日冊入班房...
當時班入面有一個女仔係好受人歡迎...可能因為佢有錢啦...加上佢又幾靚女...所以有咁既情況...
但唔知點解...我從來對一d好受人歡迎既人無咩好感...包括男同女都一樣...唔知依d係咪叫嫉妒呢?
所以我一直都無同過依個女仔講野...直到過左半個學期...唔知點解俾人傳到我鍾意佢...
我既反應當然係大啦...因為我連一句野都未同佢講過...點解會傳我鍾意佢?
係依一刻...我直頭有開始憎依個人既感覺...
但我越係解釋就越描越黑...越俾人覺得我可疑...直到有一日我班有個同我好fd既男仔打黎俾我...
佢好認真咁問我 : 你其實係咪鍾意佢者?講真佢幾好啊...其實佢仲係我阿媽個契女黎...
我聽完之後當然繼續極力否認啦...我仲同我個fd講我有d憎佢...但當我個fd問我因咩野事憎佢個陣...
我又講唔出原因...可能係因為件事關乎我在內掛?
唔知又係咪因為咁既原因...我開始慢慢.慢慢咁多左留意依佢女仔...唔係因為我真係對佢有意思...而係我想知點解我會俾人傳我鍾意佢...
但不知不覺間...我開始由仇視佢既留意慢慢改觀...睇落其實佢都唔係我想像中既咁串...咁扮野...
過左無耐...我開始發現每日唔留意過佢...唔望過佢...都會覺得有d唔自在...
我諗我當時以經係由俾人傳我鍾意佢...變到我真係鍾意左佢...
但當時我又唔可以主動走去問佢拎電話...因為當時極力否認既我...到宜家居然真係鍾意左佢...俾人知道仲唔俾人笑足成個學期...
所以就係咁...我一直暗戀緊佢!
學校每年都要更新每個學生既家庭資料一次...突然有一日miss如舊叫我拎d值日冊入班房...咁岩依本更改資料既記錄都係入面...
係依一刻我覺得我依個班長既用途終於發揮到出黎喇...我一路行一路打開本野黎睇...
靜靜雞記低佢個電話號碼...然後即刻坐返埋位抄起佢...係個一日...係我返學入面最緊張同最開心既一日...
平時放學...我都唔會即刻返屋企...但今日我一放學就返左屋企...因為依段時間屋企無人...
我一返到屋企校服都未換...就不停揸住左個張抄低左佢電話號碼既紙係度行黎行去...
因為我諗緊如果我打去應該要講d咩野呢?如果係佢聽...佢問我點解有佢電話...咁我點講呢?
又如果唔係佢聽...佢屋企人問我係邊個...咁我又要點答呢?
依一刻我滿腦都係依d問題...可能依d就係第一次鍾意人既感覺啦...
到最後我覺得咁樣左諗右諗都唔係辦法...其實我主要原因都係想聽下佢把聲者...只要我打去唔出聲咪得囉...
如果我冒死咁就打去...點知一打去居然係長"DO"...我就諗緊無理由架...我無記錯啊...唔通我打錯...再打多次...如果都係"DO"...
一路係度諗點解個電話會cut左之際...其實個心真係好灰咁諗 : 唔通我同佢真係無緣?我咁都抄錯個電話?
直到學期尾因為學校有一個卡拉ok比賽...而我依班咁o岩就係搵左依個女仔出賽...
事關我係班長...我要負責去帶啦啦隊打氣...相時依個女仔有幾個fd走埋黎同我講 : 我地要帶頭打氣喎...我地係咪要諗下點搞呢?
咁當時就上緊堂...咁我就話不如我留低個電話俾妳...放學先打俾我同我傾啦...
係我食完晚飯咁岩電話就響 : 喂!你知唔知我係邊個啊?你諗住點搞法?
咁我當時以為佢係我俾電話佢個個女仔...咁我咪好求其咁答佢 : 妳地諗啦...佢係妳地個fd...佢比賽妳地應該要比我緊張先得...
之後突然電話入面既人係咁係度笑...我就問佢笑咩?之後佢再問我一次你知唔知我係邊個?
咁我咪講妳咪係啊邊個囉...之後佢一路笑一路講 : 我係啊晴啊...你分唔出我同名邊個把聲咩?
我即刻醒一醒...由我係無心情既一刻...突然變到好似成個世界都充滿色彩咁...我仲好開心咁問佢 : 點解妳有我電話既?
個刻我就即刻諗緊係咪我個fd...即係佢契哥俾左我個電話佢...
之後佢就同我講 : 因為啊邊個唔得閒打俾你傾...所以佢就直接俾左你個電話我同你傾...點知你就咁冷淡咁回應我...你又無心幫我打氣架?
係頭先我的確係無心機既...但係一刻我直頭充滿力量咁滯咁答佢 : 頭先同妳講下笑者...
之後佢就話因為要出一出街...夜d先打俾我再傾...咁我就話會等佢電話...點知一等再等...一個鐘又一個鐘...成11點都黎喇...
正常我都以經要訓...但我講左話等佢電話...我驚我訓著左佢打黎會聽唔到...所以我就拎住個電話上床釣魚...
突然電話響喇 : 喂!唔該啊咩啊...之後我由好眼訓都即刻變得精神哂咁答佢 : 我係...
佢都好唔好意思同我講sorry...因為佢同佢屋企人去左飲...所以咁夜先返到黎...之後我望望個鐘原來以經成1點喇...
之後佢問我 : 點解咁夜仲唔訓既妳?妳不嬲都咁夜訓架?...我好快咁答佢 : 一時時啦...
其實我梗係唔係啦...我咁夜唔訓都係為等妳電話者...等左咁耐妳結果都打黎...眼訓d都值得既...
因為真係太夜喇...第2日又要返學...佢好快咁講 : 我去沖涼訓喇...有咩野聽日返學校傾啦!之後講完byebye就收左線喇...
依一刻真係又唔捨得又開心都震...結果搞到我訓唔著...第2日我仲遲到添!
就由個晚開始...我同佢就開始係學校光明正大咁講野喇...之後佢仲俾左佢個電話號碼我...係依一刻我既心情真係紙筆墨能形容...
直到比賽當日...因為參賽者係可以唔洗著校服返學...當日既佢係我第一次見到...好靚...靚到我唔知點樣去形容...
因為我地係要分班別由a到f開始...而我地係e班...所以要等到a至d唱哂先到我地...係個一刻我只有帶住緊張既心情咁受噪音轟炸...
事關d人真係唱得好難聽...當然...我亦未聽過佢唱歌...可能亦都會係同a至d班既人一樣...但係係個刻我既心目中無論佢唱成點...
我都唔會覺得難聽既!
終於到佢出場喇...唔知點解突然台下好多歡呼聲...原來唔只係我地依班...其他班既人原來都有人幫佢打氣...
當到播卡拉ok碟個陣我睇到個歌名"飄雪"?係周慧敏既咩?唔係陳慧孄咩?我就即刻問佢d fd : 下!咩佢唔係唱"孤單的心痛"咩?
佢地即刻同我講 : 佢話首歌唔太好喎...佢今日臨時改左唱"飄雪"囉...
之後我個心諗 : "飄雪"難唱過"孤單的心痛"咁多...佢會唱成點呢?我有d擔心...我就即刻問佢地 : 喂!佢有無練過架?
我都未講埋我想講個句...我以經聽到一把好好聽既歌聲...講真架...我係係當時第一次聽到一個唔係歌星...而唱歌又咁好聽既人...
當一唱到副歌依句"原來是那麼...深愛你"個陣...直頭全場起鬨咁滯...而我直頭企左係張櫈度嗌...因為真係太好聽喇...
結果佢當然係冠軍啦!
比賽完左...當然就係放學啦...佢一落台行返埋黎我地依班度接受我地既祝賀之後...佢突然行埋黎同我講 : 多謝你!
之後我就問佢 : 做咩多謝我啊?...佢答我 : 我頭先其實一直都唔夠膽望其他人...我只係一直望住我地依班個範圍唱...
我一直望到你係最落力打氣既一個...仲企埋係張櫈度...個刻只係答左佢一句 : 因為妳講得真係太好喇!
突然佢喊住笑咁講左一句 : 死傻佬!...之後就行返去佢班fd度...因為佢d fd見到佢喊唔知做咩又喊埋一份...可能係一種傳染病黎...
當然啦...個一刻我都無謂再留係度...結果我咩野都無講咁就走左喇!
之後佢經常都有打俾我...而我地真正既開始就係係電話度開始...記得有一日佢好早咁打俾我...
其實大家係無咩野傾架...講黎講去都係講個d野...但係都講得好開心...突然間佢就帶起左一個話題 : 你有無鍾意人架?
個一刻一路打機一路聽緊佢講野既我...當堂呆一呆答佢 : 下!...咁佢之後就話 : 無啊...我都係問下咋嘛?因為我見佢地個個都有想追既人...
其實個段時間我同佢以經好熟...我都介紹佢識哂我其他班個d fd...所以先咁問...
咁當然啦...既然係佢帶起依個咁敏感...而我又想講好耐既既話題...我當然唔會俾佢停啦...我就反問返佢 : 妳又有無鍾意既人啊?
佢就答我 : 有掛...但都唔知係唔係...!而之後佢問返我同樣問題我亦都係咁答返佢...
之後最搞笑既係...佢問我 : 你話好似鍾意又唔知係唔係既個個人...係咪讀a班架?我話唔係...之後如此類推咁問落去啦...我都話唔係...
但佢唯讀是係唔講我地依班...咁當時我又問返佢同一個問題啦...佢既答案都係同我一樣...無一班係...
咁佢就繼續問落去喇 : 你話好似鍾意但又唔知係唔係個個女仔應該唔會係我地依班掛?但如果真係我地依班...你係鍾意邊個啊?
之後我話唔答啦...但佢就逼我一定要答...佢就問我 : 一定唔會係我啦!我講坐號喇...全班14個女仔......1號係唔係?
一路都係如此類推咁問...我都話無個係...當然亦都到我問返佢啦...我又係唔講自己...佢又話無一個係...
其實我諗當時大家都知咩野事架喇...只係大家咋唔知者...之後大家靜左一陣...佢突然問我 : 咁個個係邊個啊?
我亦例牌咁問返佢啦...之後大家都唔肯講之際...佢又講 : 你講先喇!你講完我講囉...
咁我亦係一樣啦...結果大家係電話度不停講依句說話講左成4個鍾...我夾住個電話夾到我耳仔都紅哂...
到我正想同佢講話不如下次先答個陣...佢話 : 我屋企人返黎喇...我唔講得電話喇...你快d講啦...
之後我無出聲...正當我想講野個陣突然 : 喂!真係返到黎喇...你快d講啦...!之後我就話 : 如果妳講我即刻講!
咁佢好快咁答 : 求其講個喇我...鍾意你囉...到你喇...!之後我咪答佢 : 咁我都求其講個囉...鍾意妳囉!
之後好搞笑咁大家極速收線...長達左9個鐘既電話戰終於完左...
事後依個女仔亦成為左我初戀女友!