升中喇...結果都係要同我以前玩開既一班fd分開喇...佢地成班都派埋同一間中學...
係唯獨是我一個特別派到去明愛讀...同一班日見夜見6年既人分開...個感覺真係好怪!
頭一兩個月入面真係覺得好唔慣...但慢慢我開始係新校識到好多新fd...唔慣既感覺開始慢慢咁無左...
就咁樣不經不覺話咁就過左1年...係依一年裡面...我依舊有日日放學都會同返班舊同學佢地一齊玩...
因為我地成班人唔係住埋係樓上樓下就係同一區...個感覺真係無咩變...唯一變左既就係大家都識得打扮左...再無好似小學個陣個種傻氣...而我同我既女朋友亦都一直有聯絡...雖然只係一直用書信來往...但講真...係依一年裡面就算我完全無見過佢...甚至連佢把聲都未聽過...
但我個心一直都係無變...一直期待佢係今年既暑假返黎同我見面!
直到有一晚...我係屋企食食下飯...電話突然響喇 : 喂!我返左黎喇...我宜家係機場啊!你地最近點啊?你有無掛住我先?有無周圍去識女仔?
係個刻我真係無估到佢係落機既第一時間就打俾我...我當然係開心啦!
之後我正想問佢野既時候...佢好快咁系電話度講 : 不如咁啦...你負責約佢地...星期6黎哂我屋企燒野食啦!
唉...叫我約人當然無問題啦...但無估到就係我成年無見妳...今次妳一返見面...就又要成班人一齊...心裡總係有少少唔想...
係佢講完依句野之後...我只有答佢ok啦...但佢係臨收線既一刻同我講 : 但我今晚想見你先喎!
依一刻你都唔好話唔冧...我好快就答應左佢話好啊...之後佢就話返到屋企整好哂野先打俾我...
2~3個鐘頭後佢終於打黎喇...佢約左我出黎食飯...雖然我以經食完飯...但佢開到聲...我食多餐又有咩所謂...其實都係為左見佢者...
我到左目的地喇...係我等佢途中...我一直係度諗...足足有一年無見既女朋友...唔知佢係依一年有無變到呢?
而佢見到宜家既我又唔知會唔會認得呢?當我仲係度諗緊依d野既時候...我面前以經有部的士停左係度...有個女仔落車喇...
係佢!真係佢!佢落車後好快咁行埋黎講 : 你黎左好耐啊?你識得打扮左啊?我呢?覺得我有無變啊?
係依一刻佢主動咁拖住我隻手同我講 : 我好肚餓啊...入去食野先傾啦!
係食野既途中...大家一如以往都仲係好多野講...但今次唯一唔同既係...我做左一個聽眾...佢不停係度同我講佢係個邊既生活...
當我一路聽佢講野既時候...我不停咁望住佢...我覺得佢2樣野唔同左...其一當然係佢都靚左...更加識打扮左啦...
之後佢突然問我 : 做咩係咁望住我講野自己又唔出聲?係咪悶親你啊?...之後我答佢 : 唔係啊...我係度聽緊你講野嘛!
其實我唔出聲又有咩所謂啊...因為我成年無見佢...我反而更想聽佢講佢既野...食完飯喇...我地同圍行左一陣...之後我就話送佢返屋企...
走喇...但今次我地唔係搭車...而係大家拖住手行返佢屋企...我咁大個人第一次行咁長途既路...但可以拖住佢耐d...我覺得攰d都係值得既...
終於送到佢去屋企樓下喇...個刻突然大家都俾到大家一個感覺...就係好依依不捨...但我始終都要放手...因為佢要返屋企架嘛!
就係我放手係一刻...佢轉身就攬住左我...之後笑住同我講 : 估唔到你真係有帶住我隻介指...我走喇!
係一個好突然既情況下...佢突然錫左我個咀一啖...
哈!原來第一次kiss既感覺係咁架...講真啊...我好緊張但又好興奮...之後佢真係走喇...佢仲話叫我返到屋企打俾佢...
咁我唯有一路望住佢既背影...一路帶住唔捨得既心情返屋企啦...