總算沒到絕望的地步...
[絕對要PO大圖]
  
琴日果間咁既蛋散賊船夜晚無端端打黎
有個女人同我講:[係咪黃小姐呀?宇宙船打黎架,你之前呢係我地度訂左arashi隻album,
但係日本果邊訂唔到貨呀 所以而家退番錢比你 你盡快帶埋張單黎拎退款啦]
我聽到之後呆左 個心真係離一離 然後好呆滯咁答左佢一句:[哦.唔該你]
收線之後我感覺到我就黎喊..... 聽完個電話已經好shock
再比呀媽話多兩句 佢話:[你根本就係想掠我d錢
我知道你上個月訂碟落訂果陣d訂金一定係我幫你比
你唔洗呃我 我唔會比錢你買碟]
佢一講完 我真係喊左出黎 由頭到尾佢一亳子都冇比過
我好激動果陣 衝埋去鬧佢 佢見到我咁激之後先知道我冇呃佢 結果比左500蚊我
跟住又見到jpop d人話all the best cut數cut得好勁 話好多人訂左都冇得拎
sky music都cut單 又話信和d黑店已經由$420炒到琴日變左$500= =
結果我今日番完何東專登出信和買 帶住陪伴我去黑店既$950
出去買我買唔到既話會跳樓既album
跟住去到 拿我都話天無絕人之路*v*
以下與黑店老細對話:
某見到店內有all the best通常盤.....
某:[我想問你地有無arashi all the best album?]
黑店:[有呀]
某:[我想問有冇初回版呀]
黑店(語氣勁冷淡):[五百蚊.]
我當時諗唔到跟住要答佢咩 我就扮哂有錢咁:[唔緊要.]
某:[咁我想問通常幾錢?]
黑店:[$280,係咪要埋?]
由於某唔夠錢 我放棄通常盤.
某:[咁唔洗喇]
就係咁容易就買完-________-
好中意今次個原裝袋設計啊~~~平時日版碟係一撕就爛果種袋
佢呢隻竟然換左台壓果D黏貼袋啊!!!!!!!!!!!
唔會撕爛 正好多=)
之後就周圍行 上去sky music睇下碟
見到有隻心意氣
好得意個封面 又細細隻 先70蚊 買埋
我真係好中意買穿越野= =
再上J-FDS睇下有咩岩 今次冇喇 龍婆都唔係度 刺激唔到我消費[笑]
跟住我發癲 專登搭番112返番銅鑼灣 去muji買A4 FILE......
我點解唔係MK MUJI買-.-
其實我係要個A4 FILE黎裝彩頁 我最近界日雜界上癮 整散哂本野拎D彩頁出黎
結果比我搵到個POPOLO SIZE都岩擺既FILE 仲要岩岩好果隻:) FIT!!
買左$42 空虛地再去掃街 買左串魚蛋同牛雜食完番屋企
=================================================
山風最高最高啦..... 我愛十周年:)
以上です。
| 
