今日星期一，天氣又麻麻，真係唔多願返工。

早兩日家姐老闆入院做手術，唔知佢情況點樣，一朝早有個老闆既朋友兼客人打黎，
問我知唔知老闆情況點，果陣我都未知，本來諗住晏少少問下細佬老闆，
點知十點左右已經聽到老闆打電話黎，聽到佢自己打黎應該都冇咩問題，
聽把聲係比平時弱左少少。老闆話今日會出院喇，其實琴日都走得，不過抖多日先，
咁休息夠點都好ｄ，而且老闆話個腫塊係良性，聽到立時都覺得安落晒，
照計抖下應該好快好返。

今日都唔太有mood 做野，但的起心肝趁家姐老闆放假file 晒積壓ｏ既文件，
食完飯後覺得積壓左一排ｏ既燥熱標出黎，ｄ牙肉又開始有ｄ腫痛，
加埋煩煩老闆果長氣downline大半個晏晝o係我後面教個新秘書，
佢ｄ音波功真係令人頭痛上加痛，放工立即走去飲返杯涼茶，
話係心理作用又好，感覺上好似好ｄ，今晚要乖乖早返ｄ訓先得喇∼∼