好不容易又捱到星期五喇，實在太好喇∼
今日家姐老闆去拆線，之後順道返左黎公司清下文件，
見到佢傷膠布唔太太，我諗疤痕應該都唔太大，不過最緊要都係冇事快ｄ好返。

呢兩日家姐老闆傾左唔少偈，其中唔少都係一ｄ八卦同埋政治上ｏ既野，
話說家姐老闆同分行女經理同埋地獄經理都係好朋友，不過琴年佢呢兩個朋友交惡左，
原因都離不開利益政治等問題，其實家姐老闆都盡量唔涉及其中，只多以朋友身份聽下佢地講野就算。
不過最近佢呢兩個朋友關係又再更惡化，夾係中間ｏ既老闆都幾辛苦，
但當中最辛苦係聽落有ｄ野都似乎開始被牽涉其中，更覺辛苦，我同老闆講去到邊都難免有人事鬧爭問題，
唯有盡量避開。不過傾開我都同老闆報告煩煩老闆果厚面皮downline呢排耐唔耐想駛我做野，
因為自從同我地唔ｏ岩果攪事秘書走左後，不足半年換左第三個秘書，
而佢地因為冇幫個秘書申請個pass，所以佢係唔可以正常出入ｏ既，至攪笑係比我聽到佢細細聲同秘書講，
叫我開門比佢，跟住就同我講，若佢個秘書返工冇門口入，就叫我秘書打電話比我去開門比佢，
真係實在太攪笑，佢已經唔可以駛我做野，家陣仲叫我每日服待埋佢秘書，又要留埋電話比佢添，
我當然立即耍太極推佢，佢仲唔醒目仲要話若真係冇人出入時先打比我，最後我唯有攞分行秘書上枱，
叫佢打比分行秘書，真係厚顏。佢又最鍾意先斬後奏，月頭有次話要開會冇秘書，叫我落樓下拎野比客，
話會同我煩煩老闆講，跟住先發現佢係未同煩煩老闆講，真係梗硬黎，再有下次我一定會say no。
同老闆講左佢地梗係唔高興啦，叫我以後有咩都拒絕佢得喇，我都一定會咁做。
不過個個新秘書慘ｄ，其實個女仔都幾有禮貌又醒目，知道上次我唔應承去開門比佢，
都知我唔鍾意，攪到第二日都唔敢問我借pass 去廁所，咁我都係針對佢老闆，所以我都有同佢講可以借比佢去廁所，
不過我諗我都要揾個機會同佢講，我地職責上的冇關係，等佢可以清晰少少唔駛咁慘。

另外，其實一早收到風之前心急老闆會回歸，依家都已經簽駛約，聽日會搬左返黎，
今日心急老闆打比我，問我買printer意見，另外亦問我有冇收到風關於我個新男老闆去向，
其實我暫時都未知，不過我都講若佢想請返我，我個人係冇問題ｏ既，問題係其他老闆點樣。
點知冇耐原來家姐老闆比左電話心急老闆，就係傾關於我ｏ既野，佢兩個都覺得冇問題，
之後會問埋煩煩老闆，至於男老闆會由細佬老闆同佢傾，可能佢決定返黎會由女王幫埋佢手，
若果真係咁，又會變返我入職時ｏ既組合喇，而且都估唔到心急老闆走左之後，
咁快有機會可以同佢再續前緣，所以世事難料，變化係你預計唔到，
咁ｏ岩一場金融海潚，令好多野改變左，對我黎講可能係好事都未定，
不過最終都要等佢地傾埋細節先知喇。