上次同女王同埋分行秘書一齊柴娃娃整頭髮，唔覺唔覺都接近半年，
天生巒毛仔ｏ既我開始感到ｄ頭髮又不受控制喇，覺得好唔舒服，所以今日一定要去整整個頭。
上次染髮去左同事仔介紹一間幾平的salon，價錢真係幾平，整負離子都好平，
不過間salon只係一個師父同一個助手，星期六通常人客多，拉直髮需要ｄ心機，
唔想整得咁求其，於是決定去網上流傳話整負離子幾好ｏ既salon，
同上次去果間都係同一條街，一於膽粗粗去試試。
因為唔想晏去要等得耐，所以都犠牲左訓晏ｄ，食埋早餐九點零左右去到，
去到時間鋪都係剛開門，ｄ人ｏ係度拖緊地，不過我都唔係第一個客，只係排第二嗟，
於是九點幾左右開始整，最終走ｏ既時侯都已經一點幾喇，唔駛等都要坐左四粒鐘，
我走ｏ既時侯開始多人喇，果然都係比較多人去整負離子。
最初查完藥水未夾頭ｏ既時候ｄ頭髮好乾，心裏有ｄ擔心又整傷ｄ頭髮，
我問個師父有冇問題，佢話會幫我就，夾完就冇事，夾完後再塗定型劑後摸下ｄ頭髮，
好似又冇乜問題，亦見到另一個客又係塗完藥水後比較乾，唔係得我係咁個心都安落ｄ，
最終我想剪返短少少，個師父幫我剪齊佢都幾ｏ岩我心意，雖然我頭髮軟且簿，
剪得短未必咁好，不過我覺得最緊要舒服，其他都話知佢，真係冇諗我都可以剪到髮尾齊髮，
（唔知洗完頭後仲ｋｅｅｐ唔ｋｅｅｐ到），真係要多得負離子ｏ既發明，
令我都可以感受到直頭髮ｏ既感覺，唔駛一世都要做巒毛仔，又ｏ岩晒我呢種超級懶人，
實在太好喇。
整完頭髮自己繼續ｏ係元朗行街食野，因為剛整完頭髮唔想再洗太多錢錢，
所以都冇咩買野，係之後等埋怪獸先生放工過到黎一齊去街市買野，又黎整一餐海鮮餐喇。
返去深圳過自助過關機，平時都好快驗証到，今次個鏡頭對住我係咁上下『掃來掃去』，
掃左好幾次先得，唔通我剪左髮連部機器都認唔到我？？
| 
