好耐冇打日記喇，真係超級懶呀∼∼哈哈∼
無法啦，依家通常放工返到黎食埋野返屋企都成九點，
上下網沖下涼都成十點，通常十點幾對眼都開始撐唔大，所以都少左力氣打日記。

呢排天氣開始轉涼，好似一時間未揾後切ｄ冬天衫出黎咁，
忍左成個多星期今日終於出去諗住買下野，今日比較早起身去食完個早餐兼午餐，
跟住坐車去華強北一個外貿市場，雖然呢度ｏ既野唔係叫平，只係偶爾某ｄ野平過香港，
仲要講下價添，不過好耐有去過，平日放工都怱忽忙忙返屋企冇咩時間出行下街，
放價冇乜特別野又費事專登過香港，車錢一來一回都ｏ係返度，所以叫出去睇下有冇咩ｏ岩買，
結果都比我買左少少野，而且仲忍唔住想幫我隔離分行秘書買ｄ野，
因為呢個外表年青但心態極老ｏ既分行秘書著衫真係太保守，所有衫褲九乘都係全黑色，
真係悶死隔離果個我，早前聽佢講想買短褲但睇唔ｏ岩心水，今日見到有條短褲都幾平，
講完價都係五十蛟，所以自己買之餘試下幫佢買，至多唔ｏ岩size 或心水我拎返去換，
可惜ｏ既係睇中果條深灰色冇size ，結果買左黑色ｏ既，唉∼算啦，黑色就黑色啦，
希望佢ｏ岩心水啦，另外我又買件連身衫／裙，可以襯牛仔褲又得，著條打底褲當裙著又得，
都幾ｏ岩我心水，而且仲買左ｄ唔同厚簿ｏ既打底褲，我又買左一、兩條睇下分行秘書或女王ｏ岩唔ｏ岩，
佢地真係年紀輕輕著衫有時仲保守過我，真係丫，唔好好似家姐老闆咁講，
到老左先黎著到花碌碌，到時仲嚇人呀∼∼

今日總算有ｄ收穫，好開心呢∼∼