今日打去民航局,打算同佢預約做一個機師體檢
"嘟.....喂,民航局" 把聲應該係一個二十幾歲o女仔
"您好呀,我想同航醫預約一個體檢時間."
"吓!?"
"我話,我想同航醫預約一個體檢時間."
"呀......你等等....."
音樂聲
過左一分鐘
"先生,唔好意思呀,負責呢方面o既同事有d事忙緊,一係你留電話同名,我會叫同事一陣覆您"
咁我就留低左電話比佢
過左15分鐘...
"唔好意思呀先生,你係咪預約做一個機師體檢?" 都係戈個女仔打番比我
"係"
佢發出左一個驚訝的聲音
過左二秒
"呀..先生請問你係邊間航空公司架呢?"
(嘩,乜做過體檢都要講你知我係邊間公司做?)
咁我咪好聲好氣咁同佢講 : "我係Australian Wings Academy's new cadet..."
"呀...唔好意思呀先生,可唔可以講多次?"
"我話,我係Aus...tra...lian... Wing...s... Aca...demy...'s... new... cadet.... , 我想預約航醫做一個Class One Medical同出一張certification..."
個電話靜左10秒
"唔好意思呀先生,你係咪想做體檢呀?我比鏡湖醫院個電話你..."
個結尾我就唔打出黎啦
因為航醫體檢有別於一般醫生體檢,呢個聽我電話的職員好明顯係新黎,咩都唔識
同佢再講落去都只會比一D錯的訊息我
我只好過一排搵第二個時段再打過去,希望到時換番一個有經驗的職員,等我唔洗雞同鴨講啦
講番上星期,我冇買咁多位大姐o既"獨坐婚姻介紹所"門票,係小生錯,就當比個機會小生同阿丹妹聯絡下感情,請各位大姐受小生一拜~ |
