講講時間先,依家係2009年6月5日19時57分,

聽日將會係我留在s1e的最後一個上學日,做番一個一年大事回顧先

首先,好坦白咁講,我對s1e既感覺都係唔好居多,

唔好既地方有 : 數學堂ivy的外星文轟炸;基本上每堂都聽唔明佢講咩,佢問"有冇人唔明" , 其實係"冇人明".

第二就係教學制度逼走安東尼事件;安東尼其實教得好好,但由於佢冇一張師範大學文憑,只可以降職做初中老師,而降職做初中老師,人工會得番原來既7成,所以安東尼決定左唔做.

第三 : 班內惡勢力事件(呢樣唔方便多講).

第四 : 同學間不和 ; 基本上冇乜可能全班人同心搞一個活動 , 因為總會有人話"我同某某唔妥 , 佢去我就唔去! "

第五 : 信老弟斷腳 ; 因為女星"下村美娜"而斷腳 , 佢都算型爆 , 斷左幾個月腳 , 而家都未好番 , 睇黎以後做運動唔洗搵佢啦

不過呢班都有好既方面,其中最好,莫過於有江鋒呢個好好先生,佢既好,打幾萬字都打唔完,所以唔打啦  (最主要係我懶)

又有一個落左堂都唔肯走既中文miss成日同我地吹水,兩隻膠手套,三個軍訓第二名,四個結他友,九個班際戰友,一班好玩既同學,一堆好有回憶既相片

去過軍訓,令我們明白團結的力量;去過班活動,令我們感到友誼的可貴;一起考試,令我們感到共患難的感覺 . . . . . .

不過基於我相信明天會更好,我希望下學期會抽中一大班好朋友同班,然後再一齊去創造更多美好的回憶~

呢度對於我黎講以經係好多字,每個撞入黎既都要睇曬先比走

跟住post下相先∼

呢個係我原本想像中的軍訓，事實上．．．

呢個係我起初想像中的高中女同學樣，事實上．．．

原來以為自己以後個樣係咁，事實上．．．

原來人生係好多時都冇想像咁好．．．