AKKO家姐今日生日啊~~生日快樂~~!!

p.s.我日記人數上千喇XDXD

====================================================

尋晚返到屋企....頭痛到嘔血.....= =

沖完涼就訓,....一覺訓到天光.....

天光個陣....我感覺倒做咩咁凍既....

原來係隻狗走左上我張床.....推開埋我張被=3="

之後我攬住佢再訓.....訓多陣就起身返工.......

今日都係唔係太願起身喇.....但係冇計.....

所以冇食早餐就沖涼換衫出去喇....但係都遲左出門口....

去到火車站.....又鬼死咁Q多人......我拎住送比家姐個份禮物......

避倒唔比人迫就避喇....整爛左點送得出><

返到公司食左兩塊餅.....同埋打埋尋日既日記.....

因為尋日太頭痛喇....又夜返屋企......所以冇打...留返係公司打-v-

今日都係點返張單d數....好彩都冇咩大出錯.....

係一個多左件.....一個少左件-v-

不過無聲無色咁搞返掂.....嘿嘿嘿.....

搞到食飯個陣.....我返返上三樓.....

見judy唔係太舒服....所以都唔太煩佢喇....

之後食飯.....家姐生日....所以請假去海洋公園玩=3=

阿斯同阿又唔上黎.....samuel屋企部機又死左.....拎塊底板返公司試.....

試試下整親隻手....好似冇左塊肉.....仲流左好多血=口=

食飯又冇玩game.....又冇乜點傾計....=3=

未夠鐘就返埋位....好死板咁過左個午飯時間= =+

無啦啦有個肥佬走黎禁鐘.....仲幾串嘴下......

無啦啦話搵"劉大姐".....仆佢個街.....原來係candy......凸= =

之後candy佢地搞掂左條佬.....我就返埋位.....

見judy訓左.....驚佢又凍親就幫佢"嬲"住件褸.....佢無啦啦醒左...嚇死我=口=

坐左兩個字就落去一樓再數d貨喇.....

張單又大到仆街....d貨多到嘔血.....頂=3=

數餐死....激死我喇.....不過一路都係一樓數下貨.....裝下箱之類.....

唔算太辛苦都算喇~~哇卡卡卡~~

之後到好似四點零...見倒judy好精神咁行黎行去...= ="

不過都好....見倒佢冇事總好過見倒佢唔舒服既......

一齊上返三樓.....搞左少少野.....就打日記= =+

反正阿占話....akko同埋marco要七點幾先到.....   (p.s.我、akko、marco、阿占四個約左慶祝akko生日)

我又做好晒手頭上d野....咪打囉.....

================================================================

又一次係公司打返.....=v="

咁我同阿占六點半就走左喇.....由公司行過去沙角.....

我地慢慢行既關係....行左半個鐘左右= =

到左就埋位等家姐同埋marco黎......

一路食...一路傾....都係咁喇......

d料係我地自己去拎既....=w="

我狂食肥牛同埋雞子.....正=v=

之後家姐叫左三枝啤酒......個個死人啤油姐姐....仆街丫= =

叫左佢唔好倒比我....本來佢行開左.....

之後條八婆屎忽痕.....走返轉頭倒左半杯比我=口=

佢地又係咁迫我飲.....算喇.....無謂掃慶......飲左......

飲左半杯野就想嘔.....太難飲喇><

之後食完....就埋單走人.....阿占住得遠.....所以佢走先.....

本來我都諗住行曾大屋返屋企既.....但係又唔記得做咩.....

我又同家姐、marco行去沙田個邊.....

我又唔知做咩....無啦啦問佢地去唔去埋行花市.....

咁行去新城市搵廁所....再行去瀝源......

嘩...個花市真係....冇得頂喇.....

人又"多"到嘔血.....D攤擋又"多"都恐怖.....真係.....唉喇= =

我地好快咁行返出去.....返返新城市....

佢地又去廁所喇....飲咁多酒做咩丫=v=

去完就佢地有佢地搭火車.....我就去禁埋錢先搭巴士.....

返到屋企.....我阿媽第一句就問我係咪飲左酒=口=

嚇乸死我喇....點解佢會知既呢><

尋晚同judy傾msn.....都早左off架喇.....

但係我幫佢搵埋個winmx3.54....所以我自己就好似唔知兩三點先訓=3="

咁我搵倒又試過之後....d左個sms比佢先~~哈~~

然後熄機....返返入房訓覺.....

但係太凍喇.....訓極都訓唔倒.....頂=3=

唔知幾多點就訓左喇.....但係都差唔多起身返工.....T^T

算喇....又唔想為左唔夠訓請假....咁冇左一日或者半日人工.....

都死頂返工喇.....嗱嗱聲求其食左兩塊麵包就沖涼返工....好凍啊><

返到公司做左D咩呢.....唔係太記得添-3-

淨係記得搞埋個張單....好多錯貨同埋D貨唔夠數啊><

搞到我有少少頭暈.....但係冇計喇......

見有D肚痛....就去廁所....順便休息下.....

但係爆完石個陣....我又見倒野.....

咁我放左包紙巾係水箱喇.....拎個陣一望後面....

見倒後面有個白影飄起左....約一兩秒就唔見左....

嚇到我丫....但係要清理下先得....唔可以即時走人.....

所以我都死忍住個下驚驚地....=w=

搞掂左就落去一樓拎紙皮箱......= =+

咁我又再開始整埋張單.....食飯前終於搞掂喇>w<

搞掂就返返上三樓自己位喇....仲搞咩= =+

咁到食飯個陣....samuel拎左副新game返黎......

呢副好靚~~又有野人...又有維京海賊....又有投石車.....仲有幾個主角既呢一堆公仔....

隻game我已經上左手.....同埋要打出點玩之類太煩喇.....

總之就好正喇~~哈哈哈~~

玩左陣都夠鐘.....要返埋位喇....玩唔晒一鋪><

然後我同judy落去搞另外一張單同埋對野.....

d錯貨煩到頭痛....愈黎愈頭痛添= =+

之後搞左陣.....記錄好邊d齊....邊d唔齊.....

d錯貨有幾多隻.....同埋應該係咩貨黎之後.....

我就返返上三樓....趴左係枱.....><

又問judy拎左粒必利痛.....跟住就訓左= =+

訓訓下....candy問我有冇事....

我話比佢知唔舒服.....佢都叫我訓下....太好喇><

好似以前係仆街做就唔會有d咁好既野.....凸= =

咁我訓下又醒下...見倒中途敏敏....阿占....家姐都叫過我.....

忍一忍住d頭痛都回左佢地喇.....廢事佢地仲擔心....

之後我問judy我訓左幾耐.....佢話居然有九個字-口-"

等到收工喇....等埋佢地就一齊去mk....   (咁都頂倒....服左自己....)

去到mk....首先上去戰棋會......

samuel居然又買左盒齊百幾蚊既RPG GAME.....  (棋類)

好似係唔知龍咩既....入面有都幾多個公仔.....

我睇下睇下...覺得爆似魔獸入面D野= =+

特別係個隻蜘蛛.....個唔知咩巨人之類= ="

而我又買左盒阿活.....即係卡卡索....

SAMUEL個隻卡卡索係野外....我呢隻係叫最先個版本.....哈~

原價係207....SAMUEL有會員卡就九折左~

之後我地就殺去食野....食完之後去金雞......

玩左次中午食飯個隻GAME....再玩左次我買個個....

之後我地就走.....個陣十一點幾....

咁我就打比JUDY....問佢有冇試過我比佢個個WINMX.....

佢話佢都係岩岩返屋企....= =

都攰....唔試住....想訓先喎.....

咁我就算喇....之後我返到屋企沖完涼都訓喇...

尋晚同judy msn....由十點幾傾到三點幾.....

本來都係傾下閒計......之後我就教佢整winmx......

但係初初整返個winmx係要等頗長時間先連到個伺服器.....

所以我地等到三點幾都訓喇.....加上又凍又攰.....

今日我就訓到十二點幾.....好正啊~~

好似好耐都未試過訓咁耐~~

起左身之後就清下部腦入面d塵.....

又話有聲....頂佢丫....有份玩又唔Q清潔.....凸= =

成撚日都係咁.....玩就玩....清就又話唔識又話呢樣個樣....仆街丫.....

之後搞掂左....就開機.....睇左幾集火影.....

跟住同winki傾左幾句.....聽得出佢應該係同男友嘈左.....

所以我都唔想煩佢喇....安慰說話講完我都走人先喇.....

又睇左幾集火影.....睇到沖涼食飯......

咁就閂機.....同埋我又下載左雀聖2~哈哈~~等左好耐喇

不過可惜冇晒cd-r....燒唔倒=3="

今日起身個陣.....凍死左.....

老母叫左我幾次.....我都唔願起身....

但係搭九就起身....唔想打亂平時d時間.....

所以冇食早餐就沖涼換衫返工.....好餓.....

但係我又唔想買麵包.....所以都係唔食......

返到去.....阿欣叫我拎箱野上去比judy......

我拎到上去....等左一陣.....candy黎開門....

咁我地入左去.....咁就開機聽歌先~>w<

聽到夠鐘就開工...一開始就幫judy拎返頭先箱野落去一樓.....無奈爆>w<

之後做左咩都唔記得....淨係記得好肚餓.....

同埋將d紙皮用索帶索實佢.....哈哈....= =

搞搞下就收工.....不過我冇即時走....

因為同boe傾左陣先啊,....太掛住佢喇....咁耐冇傾過~

搭三先走....返到沙田......老母就係度等緊我.....

去禁左錢.....就過去玩具反斗城.....

一黎幫samuel睇下有冇個隻砌牆.....答案係冇.....

二黎係自己都想買d game返工同d同事玩~但係可惜都係睇唔岩.....(p.s.岩細路玩or大富翁)

大富翁就唔好喇.....本身又唔鍾意.....就算買左都冇同我玩.....

三黎我又想買野比akko家姐~~佢過幾日生日嘛~~嘻嘻~

但係玩具反斗城一樣野都唔岩我心水....=3=

過左去另外個邊間game鋪.....買左舊野....都覺得唔錯~~唔知家姐會唔會鍾意呢~~哈哈~~

跟住就過返去希爾頓間老麥.....買左幾個板燒雞腿飽.....同埋扭扭薯條.....

跟住就拎返屋企食.....返到屋企......

一人一個飽....好好味啊....不過太貴喇=3="

食完野就開機....同marco傾左陣計.....

我聽得出佢仲係好唔開心....同埋嬲囉.....

不過過左去都唔好提喇.....  (p.s.我又提啵= =)

跟住佢去買野食....我就去沖涼.....

沖完就搵火影未下載個幾集.....下載完喇>w<

開始睇先....好好睇啊>w<

不過我而家先睇到再不斬出黎.....一陣睇到白死個陣....又想流馬尿....凸= =

睇左幾集.....跟住就食飯....食左好少.....=3=

跟住就訓左陣....= =+

訓到八點就起身....我家姐係度玩緊....

唔理佢喇....睇笑笑小電影.....有d都搞笑....

家姐比我玩喇.....同埋一路睇華裔小姐.....因為有森美....=v=

都係為左睇森美.....我覺得我唯一鍾意既.....

係似小儀個個....就係下圖.....叫王蓓藝.....

今日仲係唔太舒服....不過返工之前.....都食左兩粒特強.....

都舒服返d.....返到去之後....等左好耐都唔見有人黎開門......

等左一陣.....淨係見倒winki返左黎.....

同佢傾左計.....candy又返到黎喇~~

跟住開msn同winki傾計......我先知道佢完來大我咁多= =

我仲以為佢係細過judy佢地添.....點知.....呵.....佢係屬狗既~

同埋佢係住屯門.....好似咩山景.....唔知有冇記錯呢=w="

不過算喇...都唔關我事....我又唔會搵佢既=v=

去屯門都係搵BOE佢地之嘛~~哈哈~~

咁又同SAMUEL傾GAME......我想玩個隻唔知係咪叫"carcassonne"....   (唔知有冇記錯呢~哈~)

仲有當然係同家姐傾計喇~~哈哈~~我同家姐無所不談>w<

因為今日so肥同joe返左大陸.....我做野都舒服左......

咁我傾左陣....又整左陣野......

就落一二樓幾次.....都係由二樓搬下野落一樓~~

咁就夠鐘食飯~~哇卡卡卡~~

咁家姐同埋阿斯、阿杰上左黎之後我地就玩新game~~

個隻game叫....."Citadels"....又唔知有冇串錯呢~~哈~~

中文係唔知咩.....財富之城......定唔知乜Q野.....=w=

係每局換一個角色.....鬥快賺錢起城~~

起夠七個城就計分.....咁七個人玩....有八個角色既~

我記憶中係有"殺手""賊""魔法師""皇上""教皇""戰略家""商人""建槃師"....

仲有一個最重點既.....有個"皇后".....

個"皇后"既身型樣貌都異常同SO肥吻合....嘿嘿....

但係玩左陣.....都覺得好好玩~~

但係太長時間喇.....玩唔晒一鋪.....媽的=3=

然後夠鐘.....各有各埋位.....我又同JUDY一齊搞野....

搞到差唔多五點左右....就等愛姐幫我地入埋D狗繩.....

咁我地都返返上去....我就呆坐到六時.....(咁熟既= =)

順便再同家姐...WINKI....SAMUEL傾計.....

之後無聊嘛....就打埋D箱頭紙.....

再冇野做....但係夠鐘收工....不過約左JUDY佢地去打邊爐.....

所以都係呆坐....同阿堅傾下計喇.....

又對下資料.....等等下就淨返我同judy兩個人係公司.....(嚇乸死我...岩岩打完"judy"呢個字....佢就on左msn....)

搞掂埋手頭上整緊既野....(佢)

就一齊落去打咭~~第一次係加班個度打左野....哈哈哈~~

跟住就成班人一齊走....好似有九個一齊去大埔打邊爐.....

一路講一路笑.....去到就埋位....班野叫我講我D撞鬼經歷比佢地聽....

其中BILLY同阿晶....係聽得最入神.....個阿謙係度係咁搞gag=.=

同埋eva都聽得好入神......間中當然有搞下笑~~

billy比人叫路芙.....英英就比佢地叫鬼王英.....而我....比佢地叫雲海....=w=

係都叫我"魂...海"喇.....XDXD

咁就同佢地混熟晒~~哈哈哈~~

食完就散水.....eva同我都係住沙田....

同埋chris一齊搭去火車站.....chris就搭去太和.....

我同eva就搭返去大圍....本來我諗住陪埋eva返去沙角個邊.....

但係佢又話唔駛.....咁算喇.....

係大圍就佢有佢走....我有我走....

我突然又唔想搭車....所以由大圍行返屋企.....

不過行到去百步級個陣.....我又感覺倒有野....

愈行愈快.....半分鐘都唔駛就急步飛左上去.....

第一次咁快行左上去.....哈哈= =

返到屋企.....沖完個涼.....一路打埋個日記.....

judy比左billy同埋阿晶個msn我.....同埋同judy....billy.....阿堅.....魚傾.....

等佢地事但一個off左我就訓.....=.=v