尋晚鬼整佢訓唔著.....到左好似唔知四點幾五點先訓左.....

到左十點左右就醒左.....咦.....又有SMS.....唔會又係討厭既....嗎?

嚇得我丫....原來係汶汶= =+

之後唔訓喇.....好凍啊好凍啊.....

打左陣機.....食左幾隻餃子算數.....

打完鋪機就上網搵《同步過冬》既純音樂......

搵唔倒.....就改左搵去除人聲既軟件.....

整左兩個....一個就開唔倒.....一個就淨係可以整倒一分鐘多少少-3-

然後又凍.....返左入房.....小睡左個零鐘-w-

沖左個超熱水涼....爽......搞到成身紅晒=v=

食完飯就開機同小BOE傾左一陣....我地都好凍啊....

佢好早就話去訓.....咁凍應該早d訓.....

我今晚死都早d返被窩暖下-v-

到左聽架勢堂.....今日講左d五強....

男歌手:eason、基仔、李克勤、林狗、林一峰  (居然冇周杰倫-口-""")

女歌手:hocc、千嬅、fiona、Janice、容XX  (八婆= =)

組合:twins、at17、soler、草蜢、I Love You Boyz (what the fxxk....呢兩個白痴都有份....F.I.R.居然冇!?!?)

尋晚又訓唔著喔....所以打左成晚機.....=.=

之後到九點幾先訓.....妖.....好凍

不過因為凍....所以係被窩一覺訓到差唔多六點......舒服喔

睇下個電話.....BOE SD左個SMS比我....即刻回返比佢先~

然後沖涼食飯.....收倒一個SMS....我以為BOE覆我....

點知又係阿邊個邊個囉.....

發洩開始　家長指引　(含有粗口成份)

=======================================================

屌.....好撚討厭啊......

煩乜撚野....之前邊撚個話以後唔打擾我啊!?

而家又邊撚個SD個咁既SMS黎啊!?....妳想箍煲既....諗下算喇.....

我唔做到咁絕....係唔想妳太傷囉.....廢撚事妳自殺死撚左搞鳩我咋.....

係咪要我做到咁絕先識得死心啊.....!?

定係要我兜口兜面噴撚到妳成面屁先識唔好搞我....??

初初我忍妳都忍左咁鳩耐喇....又唔撚見妳話過改!?!?

而家妳改咩啊.....散撚左仲邊個得閒再比機會妳先!?

大大話話比過幾廿次機會妳喇.....仲想點啊.....

唔好迫我為左妳要改左個電話號碼囉....

我改一改個電話號碼要通知返好多人....我唔想搞咁多野囉.....

拜托....唔好再搞我喇.....得唔撚得啫!?!?

鬼屌咁撚多野煩緊啊我.....煩少我一樣喇....仆街.....

我死都唔撚食回頭草囉....夠清楚未啊!?

發洩完畢!!!

=================================================

然後開MSN睇下有冇人on左比我轟炸下.....

點知阿堅又打緊機....唔搞住佢喇.....

我又打左陣機....下載返《我的野蠻奶奶》全集

之後搵BT.....搵FLASH GAME玩下.....

等到差唔多比我家姐.....BOE先ON.....

很好.....轟炸下佢先.....

傾傾下久違既汶汶叫我.....不過好可惜傾唔夠幾句就要比我家姐.....

成個玄壇咁既死樣係後面....拖多兩拖又發癲....

唉....廢Q事睇佢D死人面口....

睇完電視之後....我家姐比返我喇....

因為汶汶頭先叫我幫佢搵《同步過冬》既純音樂同埋歌詞....

我幫佢搵完之後又想聽返呢首歌....所以dl埋個mp3.....

一路聽...一路諗返以前我地成班fd係度唱呢首歌個陣....

我記得一齊唱既人有我、卓康、阿勝、廖生、嘉盛、阿風、糯米雞、劉武堅、錦明同埋伯維.....好似仲有=3="

總之同我fd又鍾意唱歌個班友仔都有唱.....之後好似唔知邊個走左入黎我地班話我地大合唱咁好玩=v="

P.S.今日嬲過又失眠都得喇....唱首歌先.....

　　 數著每一隻綿羊....(下刪)

尋日同森美講完生日快樂....今日同敏講....生日快樂喔

==========================================

尋晚啪左粒安眠藥都冇咩用....一D睡意都冇....去你的= =

呆坐到四點幾....悶得濟.....開機之後又打左陣機....

同埋狂聽一首歌.....同我而家心情一樣= =

就係吳日言既《為你失眠》.....

到天光先訓倒....咩事啊....日日都係咁唔得啵.....

訓既其間.....又係醒左好幾次.....

到五點就起身沖涼.....沖完涼我著住條底褲走左出黎....

點Q知無啦啦有個男人係我屋企出現....=3=

嗱嗱聲入返廁所閂門......等我老母幫我拎D衫褲入黎....著好先出去.....

個男人原來係推鎖無線個新電視.....

佢比我係咁串.....但係都幫佢簽倒= =

個佬今日好似超黑仔....我媽話佢入黎個陣比個鐵閘撞左兩野.....

個袋又趺過....我沖完涼出黎同佢講又比我串嘴=v=

到走左之後又打黎問我地屋企見唔見佢個袋....話唔見左.....

佢好慘....今日唔知係咪破日.....佢真係出師不利=v="

然後食野....食完個師傅就上黎裝野.....仲打爛左舊野....超無奈.....

然後我家姐又霸住黎玩....到差唔多十點先比我.....激死

數盡每一隻綿羊 仍然未到天亮
掛念他人 怎會需要睡床

想像世間已滅亡 全人類還剩下我倆
在我自製長劇裡 情節任我想

* 能愛著你 不怕寂寞 為你失眠都不錯
睡魔今晚不要撓讓 夜深偷偷把你細想
又靠著我的孤枕當你肩膊

而你獨個可會寂寞 凝望著天花牽掛我
陽光清早不要照亮 淚水怎麼可以見光
就怕夜裡不肯去睡覺的只有我 *

想念你想到落淚 仍然沒法安睡
你像幽靈 黑暗中揮不去

想像你跟我同行 沿途在榕樹下接吻
未理自制情節 全也未發生

Repeat * *

森美...生日快樂喔>33<     (雖然佢聽唔倒)

=====================================

尋晚啪左粒安眠藥....完全冇用....又失眠喇....呵呵= =

聽完架勢堂....一搭正十二點.....商台d人走晒入錄音室同森美講生日快樂

小儀明明請左假都返左黎同佢慶祝....超開心(佢地)

我又諗返我畢業個年既生日....岩岩我班有三條友都係三月四出世=w=

係我、賓賓同埋碧玲都係三月四出世既~

個年我地三個返學之後見倒大家都一齊講生日快樂....好開心.....

到小息我本來想小睡一下.....比人叫左出去....

原來阿斯佢地用班會錢買左好似成兩磅既蛋糕....再全班一齊唱生日歌比我地聽....超感動>w<

仲要全班都返齊....有幾件仲專登為左我地生日而返學.....好開心啊.....

返返現實先....唔知呢生人會唔會再有一次咁開心既日子呢.....

到生日都打個電話比碧玲叫下佢先=v=

然後又眼光光到天光.....天光前先訓倒....

醒之前發左個夢....我夢見BOE= =

係我返返下學既途中.....佢唔知點解係沙田....仲跟左我返學校.....

點知學校冇晒人....但係有好很多木乃伊.....= =

之後我拉住佢係咁走係咁走.....直到訓醒.....

訓醒就十點零.....   (P.S.好似五、六點先訓)

醒左佢地就話出街....我就下載左AOE3黎玩....

點知開唔倒不止.....仲用左我三隻CD-R....心痛死....

之後嬲啊....算數喇....開msn.....

同小boe傾計....佢都幾慘.....

整幾隻蛋都搞到又成地水....又太咸.....

都唔知好嬲定好笑=v="

傾完一輪.....就off.....

on返之後又同楠楠傾.....講左好多人生道理A__A

到左夜晚....睇左隻《搞鬼甲蟲車》

初初以為好悶....但係點知咁鬼好笑=v=

到左聽森美移動古巨基仲親身上左商台同森美慶祝~

d氣氛超正>w<     (雖然我淨係聽)

小BOE BOE今日贏左比賽~恭喜晒^^

============================================

尋晚我又係聽聽下架勢堂又訓Q左....幹= =

最衰就係我無啦啦又醒左.....幹多次= =

之後又係訓唔返....唔制啊=口=

再咁失眠落去我會崩潰架喇....嗚嗚嗚.....

之後又眼光光到天光.....媽的....

今朝就等老母做完家務先起身A___A

起左身嘆左杯拿鐵......爽.....

過左陣老母就去左買餸......我就玩返征服者入侵.....悶嘛....

佢返黎個陣買左個老麥早餐....食完之後再玩多鋪.....=.=v

十一點零左右老母同家姐出街.....我搭佢地幫我買左d野返黎....

我就燒碟....燒左《搞鬼甲蟲車》《史麥夫決戰史麥妻》《北極快車》

到晏D就收倒小BOE BOE報喜既SMS~~佢拎左個冠軍~~真係戥佢開心~

等佢地食完飯之後就睇左隻北極快車.....

我冇乜點睇.....因為掛住同小BOE BOE MSN....哈~

反正我有的是時間....驚我冇得睇咩...多舊魚既=v=

P.S.原來聽日係森美生日....XD