尋晚我又冇訓....著住件褸出左去露台望車.....同埋訓左好多好多野....
諗起有一個幾準既占卜方法.....一路吹風一路玩....玩左陣.....
有返d自信了.....主要都係占卜健康同埋事業.....
點知愈黎愈凍.....返返入廳呆坐.....
兩隻貓訓係我隔離....黑色個隻八婆好少有咁見我坐低都唔走開......
隻狗又唔知做咩走埋過黎我隔離嗲我....個刻好暖....
d寵物原來係咁鍾意我呢個主人.....感動中....知我唔開心都陪我....T^T
我仲以為佢地好憎我成日整鬼佢地.....見我好似見鬼咁....(特別係黑色個壇野)
等幾隻野訓著之後我就又出過去露台....又諗野.....
到左天光.....我先做家務....炒左兩碟薑炒飯.....仆街....舊薑又唔辣又唔香.....凸
不過食左先算喇=.=v
食完就整埋d貓狗既餸....
然後開機睇狐忍漫畫....加埋聽歌....
我家姐到唔知幾多點就起身.....
估唔倒佢生日都黑口黑面咁閃左出去....好似又約左個八婆.....
唔理佢喇...關我鬼事......
我老豆又返左黎......嚇死我....今日咁早既=口=
佢返一返黎拎左本簿仔出去.....好似出左糧.....
佢出左去我就返入房訓喇= ="
一返入房隻狗又飛埋入黎....搞咩...
係咁想同我玩....我又眼訓啵= =
算喇....見隻衰野咁錫我~~又陪你癲多陣....
玩玩下老豆就返左黎....咁快既= =
即刻趕左隻狗出房詐訓A__A
詐詐下真係訓左.....係被窩太舒服喇.....
我張床又大又舒服.....唔知有冇人想一齊訓呢A___A (引人犯罪)
訓到好似差唔多五點起身....咁先同我家姐講左句"生日快樂"
然後沖涼.....沖完涼食完飯就同小BOE、阿球傾....
同小BOE既不值一提=w="
個衰仔話今晚去開P.....玩通頂....後生真係有精力....
同阿球就傾搵野做既野....約左遲D一齊去迪記玩.....不過大前題係有錢先= =
又約左佢一齊搵工....有伴既做倉或者其他都OK既.....
冇伴一齊就話做文職....對住部腦.....
返返下工又上下咸網....睇下咸片之類= =v
更新部份....含驚嚇情節....敬請留意!!!
==================================================
頭先打完日記就熄機返房聽架勢堂.....
聽聽下已經好眼訓.....不過都頂到差唔多一點左右喇.....
半夢半醒之間.....我好似有個夢.....夢見有個女人同我講野....但係我聽唔倒佢up乜.....
不過我又好清楚聽倒吳君如既笑聲同埋幾個她她她主持既講野聲.....
所以知道係半夢半醒喇.....見倒夢中既女人個樣愈黎愈怪....一路變....變到好唔清楚....又好似好空洞既感覺.....
個口又愈黎愈大.....同埋佢個頭愈黎愈近我塊面.....
我嚇到即刻醒晒.....有個又有野既預感.....想伸手拎把較剪.....
但係成身都已經郁唔倒喇......我發覺左郁唔倒之後就清醒晒....
而且係清醒既狀態又見倒頭先夢見既女"人"......咁我好驚喇.....
出又出唔倒聲.....郁又郁唔倒.....
同埋我係感覺倒我成個人係唔同左方向訓.....
我出奇地好冷靜咁係個心入面唸經.....
咁慢慢就郁得返.....個身鬆個下我好似暈左一暈......
暈左幾秒.....一望間房既野、我訓既方向之類都變返正常.....
因為太眼訓喇....理得佢死人.....
再聽過.....過左冇耐.....又係差唔多訓著.....
隻手好似有d怪怪既感覺......又唔知點....唔識形容.....
正想睇下隻手搞乜....又郁唔倒.....
我心諗....唔撚係丫....又黎!?!?
今次就咩都睇唔倒.....不過郁唔倒成個字.....
唸經都郁唔返.....係唔知吳君如做咩爆笑左野.....
係幾大聲下.....吳君如大聲個下一笑就即刻郁得返.....
郁得返就算喇.....唔理喇....以為冇第三次喇啩= =
點知過多兩分鐘都唔知夠唔夠就真係又黎多次....=口=
雖然唔係好耐.....同埋冇見倒d咩.....
但係我今次係呼吸唔倒囉= =
我差d就斷氣....仆佢老母個街丫....
同埋今次我係個心唔係唸佛經甩難.....
而係係個心屌佢老母....先可以呼吸返......
個人一鬆返.....我就坐起身......好寒....唔係一般普通既凍=3=
拎住把較剪斬空氣..... [[p.s.把較剪好利....同埋係尖個d.....可以當匕首用]]
之後都係唔好搞喇....我間房愈黎愈寒....又愈黎愈心寒
搬晒d野出廳訓梳化算喇......再比野壓多次既....容咩易命仔都冇= =
連床褥都比我拎埋出梳化.....趕走左兩隻貓=.=v
整好晒....sd左個sms比人....個身仲好寒.....
平時蓋呢張被好快就暖.....而家仲係好寒.....凍都仲好d丫= =
開機更新返日記呢段野.....之後都係訓唔倒架喇....差d死.....仲有睡意咩.....
到朝早先訓算喇.....日夜顛倒未嘗唔係好事.....
起碼我唔會日頭比鬼壓.....夜晚唔訓大不了感覺倒有野....甚至見倒.....
總好過訓唔倒.....凸=.=
聽日同老母出旺角買把老牛返黎先.....
我最想都係要武士刀....可惜又唔知邊度有.....加上有都會好貴.....
而且買左拎返屋企唔知把野會唔會殺氣重得濟就仲仆街....= =+
假既我又死都唔要....裝假狗唔岩我做法=.=凸 |
