尋晚超無奈....聽聽下架勢堂就訓左=3=

可能食左安眠藥啩....但係到唔知幾多點就訓左.....頂....

咁我死忍住唔開機....希望訓多陣.....

因為我老母話我d黑眼圈超勁.....傷腦筋.....影響我咁型=v=

等到好似唔知六點零左右定咩.....先訓返.....

再訓到點零鐘左右.....比我老豆嘈醒左.....

一醒左就肚痛到爆= =

媽的....忍唔住就飛去廁所XD

爆完就想去訓返....=v=

返房之後.....我發現左我隻狗訓左係我張床度.....去.....

之後攬住佢睇左幾頁書....

見舒服左d....老豆又走左....

出左黎見倒我家姐岩岩熄機....再睇多兩頁書就開機....

下載返尋晚既架勢堂黎聽.....

再上網搵工....傷腦筋.....我家姐又話去見工.....

佢去完返黎又話唔做....咁咪去喇.....好心.....

到左夜晚....見倒細佬online....佢仲未病好....真令人擔心.....

聽日佢仲要比賽.....唉.....希望佢訓醒就冇事喇....    (呢句要送埋比我=v=)

今晚聽架勢堂....星期四又係《搞乜鬼》

唔知有咩恐怖野呢....迪偉又係度亂up野.....

衰衰地想佢地又有怪聲添A__A

或者可能我又一次比鬼壓.....凸= =

頂.....啪左粒安眠藥....頭重重....今晚唔會又聽唔晒成個節目啩.....=3=

尋晚聽完架勢堂之後.....又係頭痛到訓唔倒....

諗住今日去見工....咁就練返下D EXCEL、PPT之類....

搞返熟呢兩舊野之後....就搵BT....然後就唔知做咩忍住頭痛打左陣機.....  (不知所謂)

天光之後...舊野就下載完....(1~25集本草藥王)

搞掂左我阿媽就叫我唔好幫手....同埋比左兩粒藥比我.....

食左之後都係好頭痛......止唔倒添=3=

過左陣都冇用就整左杯苦茶飲.....差d嘔= =

但係飲左冇耐就舒服返少少....咁我就返房訓.....

今日太辛苦.....本來人地叫我今日去見工既....我都冇去....

一陣行行下暈左就仆街喇= =

訓左好幾個鐘.....起身之後就冇咁頭痛....

不過再食多藥....但係仲有一陣陣頭痛.....

真係傷腦筋....無啦啦咁死頭痛....今晚啪左粒安眠藥.....

可能會長眠呢.....哈哈~

尋日我個肚又鬼死咁唔舒服....半夜就痾左幾次....

搞到訓都訓唔倒....算喇算喇....又唔訓....=.=v

到天光幫手做好晒d家務先訓.....

由好似七點零八點訓到好似訓到十二點零鐘....

咁我起身冇耐....就收左個電話....

係大角嘴既......做文員的.....聽日去見工.....

上網查個地圖....嘩.....頂佢丫....遠到=3=

又冇巴士直接去到....火車地鐵又唔到.....

算喇....行過去都ok~~反正都識識地路=v=

跟住先去刷牙洗面=v="

搞掂我老母就同我講....話老豆今朝返過黎....

話佢下個月繼續做...唔走喇啵....

咁即係.....唔駛煩喇>333<

而且佢個老闆又加左人工比佢>w<

超爽....一舉兩得啊.....

錢又多左~~又唔駛佢返返黎屋企住....

不過我仲係頭痛中.....幹= =凸

自從尋晚比鬼壓之後....我就改埋日記.....

我唔敢返入房訓.....所以就再玩電腦.....

下載左好幾首舊歌.....係juno同埋512既歌.....

之後玩左陣水滸就幫手做左D家務.....   (P.S.個陣六點左右)

天光就返房訓......途中醒過幾次.....

訓到四點幾就起身....就身唔舒服.....

個心口同埋兩隻老鼠仔都好似比野重擊過咁= =

個頭仲痛就係因為未病好.....好似死個頭近咁添= =

然後就搵左把好利既較剪....放左入房掛左係床頭....   (一陣跌落黎就仆街)

搞掂之後沖涼食飯.....開左機就上網搵工....

send左兩個email出去....再開msn傾計.....

BOE話佢又遇倒怪事....我覺得好邪....

好似我有怪事個陣佢又係...十次有九次都係.....

到左七點零就好攰....熄左機就睇本草藥王...超好睇=v=

到九點又開機同BOE講左兩句同打埋個日記.....

一陣聽完架勢堂....就應該訓喇....太辛苦喇= =

後記:今日開始有放棄某一樣野既諗法......

今日起左身都唔係太舒服....而且都係訓唔好.....

一訓醒就好似有d燒....又係咁咳....唔通係禽流感=口=

係既都唔緊要....死左咪算....反正人點都會死....遲早都冇所謂喇....唔係自殺就得-v-

起身個陣我老母同我家姐出左門口....

咁我開機搵bt....同埋msn....

本來想搵雀聖2....但係得普通話....

唔好話我話丫....d大陸人把聲又難聽....又配得唔好....

好似就咁讀稿咁.....唉.....叫我睇呢d比大陸人搞差晒既野.....我唔睇算喇....

大不了去戲院或者等佢出碟再dl.....

然後搵左阿旺第廿五集.....本草藥王都有.....

不過遲d電視都有....睇過好唔好睇再dl都未遲....

搵完就on水滸....玩左冇耐....

我打緊d小仙童同埋牛魔人.....

有個女提轄問我野....仲拖住兩隻小仙童黎緊.....

我答得佢就搞到我又死左= =+

嬲啊....唔玩啊.....

燒左隻荒失失奇兵既DVD....超好笑.....

不過我真係冇心情笑得出.....

呢排太多野煩....而家仲搞到病左.....

過兩日我老豆又應該真係返黎住....仆街喇....好撚煩啊.......

=============================================

由二零零五年十一月廿八日...三點廿五分更新....

頭先....打完日記....又頭痛痛就好早返房....

但係好死唔死又訓唔著.....

到大約三點十分左右....又比鬼壓.....

個陣我係差唔多訓著咁濟....

又係好似上次咁....聽倒好多類似係電台播海浪聲咁....但係係有好大干擾....

我心諗...唔係丫化....又黎.....

學下之前聽架勢堂有個聽眾話打則身訓.....妖....又係太遲.....

成日都痺晒.....又係郁極都郁唔倒.....

今次我用極力睜大眼睇下見唔見隻仆街壓住我.....

答案係咩都見唔倒.....

之後我又好似有一種力量合返埋我對眼咁....

然後我一路唸佛經.....再一路冷靜....

突然用極力咁踢腳.....郁得返....

不過我感覺倒有野坐係我腳邊囉.....

等腳邊既感覺離開左之後我就即刻起身.....

幾驚見倒有野....成個過程應該都有兩三分鐘.....

我推醒我老母話比佢知...再去左一去洗手.....

飲左啖凍水定定驚就開機更新個日記....

睇黎今晚都係唔訓喇.....等中午就出一出去買把刀放入床褥底鎮住d野先得.....