以下節目不適宜十八歲以下兒童觀看...敬請留意..!!
恐怖音樂.......順便去一去廣告先........(眾:仆街喇....呃錢)
咳咳......咁節目開始........
以下節目不........(眾:仆街喇....仲廢話....死喇....)....唔講囉.....開始!!
==============================================
話說尋晚.....由於搶包山既無聊直播既關係......
洗冤錄II就順延.....我一路係廳睇書......一路等睇電視......
終於係幾個字之後開始......大約睇左一半咁上下.....應該係點零鐘左右吧?
大姐突然起左身同我講.....叫我較高d個冷氣.....佢好凍......
但係我又覺得好怪......風口位又唔係吹正佢......
而且我坐正係風口位坐左一陣都唔見得凍......好怪......
不過都冇所謂喇.....幫佢較左26度...... p.s.本來25度.....=v=
冇耐之後突然係廚房傳出左一聲跌野聲......我以為係隻貓.......
點知.....隻貓係櫃頂......隻狗同老母一齊訓緊......
加上開左冷氣.....廚房又係露台出面......露台門又閂左......
除左呢度門......另一度可以出去就係廁所窗.......(限貓)
不過廁所門都鎖左......佢根本出唔倒去......
再加上.....佢係櫃頂.......= =" (唔知講左咁多做咩....)
正想出去睇一睇.....隻狗彈左起身.......衝左過去對住玻璃出面係咁"嗚嗚嗚"咁聲......
同埋我又睇倒出面好似有d影......很好......我放棄.......
唔出去睇.....繼續睇電視.......但係感覺倒出面都有d野.......
隻狗又繼續吠......無視佢.......感覺仲係度......
過左幾分鐘之後......感覺冇左......隻狗都靜左......望左一陣出面佢就返返去老母隔離訓......
一路都好地地......之後我睇完電視.......返房訓覺......
未訓著個陣......聽倒露台度玻璃門......發出d"咔咔咔"既聲......
我以為係老母開門比隻狗出去痾野......所以無視了.....
到左今朝......一齊人......老母開口就鬧......
鬧邊個出完去又唔閂門.....雖然佢擺明車馬係話緊老豆......
咁我就算唔滿意我老豆.....都唔好咩都屈佢.....= =+
我就講返我所知既野出黎......而且老豆係我隔離房......
佢有冇出去......我仲未訓都知既......所以......嗯......明了.....
再說.....原來尋晚個個都訓得好熟.......好似咩聲都聽唔倒......
咁......呢d現像.....我以為有一排冇出現過......
原來老母講返......門口成日都有聲......不過我就唔知......
唉.....仲以為老豆返左黎之後......d"朋友"都怕左佢咁嘈.....走晒添.......
以上為真人真事....冇改篇....信不信由你.....雖然件事唔係太緊要....= ="
或者有咩真人真事.....歡迎話比您地既節目主持人.....我.....知道既=v=
下次再見.....拜拜.....(你條尾)
眾:仆街喇.....(掟野)
|
