尋晚打完日記......睇完電視之後.......就著手SET好一D網絡方面既野..........
正常上網方面應該是完全正常的說......只欠一樣野.......呢樣就係我幫阿宜買左佢隻手指既原因.......= =+
呢方面容後處理好了......不知不覺都搞左成晚.......由兩點幾搞到差唔多十一點......=口="
網絡方面既野果然唔在行......叫我重新SET機.....洗機等等都唔駛咁X耐.....Orz
好了好了.......約左心尾佢地去玩game.........不宜訓得太遲........
部野正常的用倒網絡功能就熄機訓覺了.......約十一點先訓吧.......
訓左兩個鐘左右就肚痛......肚醒了......向廁所狂奔.......個屎坑向我微笑招手.......呼喚我過去.......(汗)
事成後就再次返入房訓覺.......訓多兩個鐘.......情況同上面一樣........
只係......見差唔多時間要開msn同心尾佢地確認多次.......
已知會出現人數.......家姐.....心尾.....老sam.....馬高......peggy倆口子.....eva......應該仲有唔識的人吧?
老母幫我煮左個麵.....食左之後沖涼換衫出發........
去到旺角之後.....閃去太子本來想上去打住機先.......
心尾又叫我去等埋佢同老sam.......去聯合.......由花墟唔識行添= ="
混下混下又記得返d路.......好彩周圍景物依舊.......假假地叫係旺角住過幾年......而且好近我小一個間學校......
之後會合左心尾....等埋老sam就去食飯.......佢地食......我在屠龍呢......間中插一兩句就好了......XD
用餐後去返花墟......PEGGY己經到左......其外子.....(汗)......仲未黎到......
會合後一齊上去......但係個姐姐仔話........數倒我地有五個人.....=皿="
明明得我......心尾....馬高......PEGGY.......好邪門喔......不過結果都係無視好了......
邊玩邊等......一路等馬高......家姐....EVA......PEGGY老公到齊後.......玩左一陣.......
D人開始散了.......十點幾個陣我同家姐都閃人了.......
我地去食宵夜......家姐請我食左河粉.......我請返佢飲汽水.......賺到了.......= ="
送完家姐返去......車站搭車之後.....我就返去火車站......返沙田了......
跟住目送架282尾班車返車廠.......只有打的回家好了......
最衰搭火車個陣有條八婆係前面阻X住晒.......如果唔係就可以上倒車了......媽的......
不過算了吧......岩岩返到屋企趕倒睇洗冤錄........哇卡卡卡......
說話回來.......與一眾久違既朋友聚埋玩陣棋......吹陣水......係人生一大快事.....爽....=w=
呢排都算今日叫最開心吧......好了.......今日到此為止......
屎坑.......又向我狂呼了........準備向廁所出發......(笑) |
