話說尋晚下載完隻mhp2之後....入左落咭就開始玩.....

我唔要mhp了....因為有2nd......哈......連1個個save都唔要.....

反正我上網dl的而已......重新打吧.....一打就打左一晚.....=口="

到左今朝.....又打左唔知幾耐喇.....出去食飯.....同埋睇新個集one piece.....D喪屍好恐怖...XD

睇完之後我就又打機喇........打左陣......老母同大姐出左街.....去行花市......

舊年我記得好似同家姐慶祝完生日......就同馬高.....家姐一齊去.......   (有冇記錯呢= =?)

今年唔喇......冇咩心情做D咁既無謂野......去到都係得個逼字......又唔會買野的說.....= ="

打多陣.....我唔理了......小睡左一陣.....如果唔係今晚好難頂.....= ="

訓左大約十六個鐘左右就自然醒左喇......訓返個救命覺....真係唔同的....

起左身.....沖涼......係短短四個零字......我部電話都HANG左三次機......Orz

由前兩日開始就係.....都唔知點解......功能多又應該唔關事丫.....我又冇開好多野.....

如果係部機.....又唔知點解.....又冇濕過.....又冇跌過......唉.....衰過SE D機......Orz

沖完涼又打機喇.....我玩mother hunter(爆笑中)已經上晒癮了......1真係冇咁好玩-3-

之後食粥......食完......打多陣機.....到廿二點就開電視......少有的睇電視.....

睇MUSIC STATION SUPER LIVE.....睇左三個幾鐘......全場睇晒......XD

個個都係出一出黎唱一首歌.....小愛就唱左戀愛寫真......全場最正都係呢度-3-

其次就係yui.....同埋中島美嘉......其他有d都ok既.....不過大多數都......um......

尋晚同dada傾左好耐....哈哈....妳d朱古力好靚....d曲奇都好似好好味.....想食呢....=3="

dada訓左個陣我就熄機.....玩psp.....有返個侍了.....好開心.....成隊人都似返d樣.....

係差個僧侶.....星魔法師同埋槍手.....魔法劍士.....當然仲要d人仲要轉生吧.....= ="

轉生就等多一下.....d裝有返咁上下先喇.....呢個慢慢來......Orz

一玩就玩到天光咁濟.....時間過得真係快.....= ="

訓左十幾個鐘......雖然都同小boe傾左一陣電話.....但係冇老豆之類嘈醒就好好了.....

到五點幾個陣自然醒.....自然醒係最好的喔.....=3=

起左身之後就呆左一陣.....沖涼食飯.....再呆多陣就返房.....

搵倒一個新既音樂網了.....比起天馬....呢個就差d喇......

而且係大陸網.....唔鍾意......見佢d廣東歌up得快.....都埋都新.....   <==我留意個d歌手既....

咁就留左佢喇.....要左電燈膽.....好好聽啊....>v<

又睇左小boe個日記.....妳唔好諗埋一邊喇......

呢d野我都試過.....如果我好似妳咁諗.....我死左唔知幾多次喇.....

唔好諗住要死吧.....妳而家覺得妳老母衰.....唔緊要.....第時妳會明白.....

而家淨係記得.....有個錫妳既阿哥同埋朋友就好了......知嗎?

話說今日係年廿八呢.....洗邋遢....就唔會係今日先做咁膠=___=

今日係做埋最後未清潔既地方喇.....我所負責既係.....所有玻璃....冷氣機.....露台.....

但係我起身既原因唔係因為清潔.....係因為我呢個可愛既細佬.....小boe.....打比我= ="

佢嘈醒左我.....之後又收左線.....話飛左去留言.....=3="

我先說我冇禁錯制喔......而且我聽倒既鈴聲都係頭個幾句.....    <==老例....妳既主題曲....大金冷氣XD

後尾SD左個SMS鬧鬼佢....佢打返比我......

又係因為D木嘴遲到囉.....最憎......仲要嘻皮笑臉的說.....身同感受呢-___-

約左人地幾多點.....就幾多點喇.....唔得咪唔好預咁緊囉.....約人自己又遲......最討厭的......  <==臭堅....臭賓.....臭斯....之類囉

我同小BOE傾完.....放左電話係房....出左去刷牙洗臉.....

跟住就動手抺窗......先用報紙擦一次.....再用清潔劑清潔.....跟住用潔布抺返乾淨......最後用乾布抺.....咁就好乾淨喇~

雖然係煩D.....但係我都唔理.....全屋既玻璃窗門......完成......好攰=口="

飲返杯奶茶先.....呢排唔知做咩唔係太鍾意飲咖啡了.....朱古力都冇咁鍾意....食朱古力除外.....=w="

稍作休息.....再做了.....清冷氣機.....隻死貓d毛勁多.....-___-

清好冷氣機......搞埋神櫃櫃頂......d塵成丈厚.....= ="

搞搞下大姐打返黎....話我電話冇人聽.....洗完手去睇下先.....

個姣婆打左兩次來.....大姐又打過黎......我唔記得拎返部電話出去.....

老豆又聽收音機.....搞到我聽唔倒電話響......真抱歉.....Orz

大姐叫我打返比條姣婆....打返比佢喇......又係用d勁姣既語氣講......騷味十足....有點兒寒.....= ="

我抄底晒返工既野......初五返呢.....要帶相.....英文地址證明.....仲有咩.....=口=?   (岩岩打既時間去睇左...係戶口....)

返工個陣去搵個張小姐.....即係仙地....(勁想爆笑).....亦即係眼鏡蛇....-v-

收左線後我就回返個電話比大姐......再sd sms通知人.....     <==但係唔知sd唔sd倒....好多時佢都收唔倒....好怪><

跟住再埋去清潔喇.....搞埋廁所個d磨砂玻璃窗.....老豆總係我後面話求其抺下就得......

我去你的......求其既不如唔好做.....一開始就唔搞好了.....吼......=口=

你既仔就係咁怪既人.....一係就踢都唔郁.....一郁左你唔駛旨意我會係未完成之前停手.....

好苦辛咁捽晒d積......好污糟啊......奶奶......一年既話.....冇可能會積到咁厚吧......-口-?

成功後.....都滿意了......比人煩話要食飯......都唔明.....成日掛住食既= ="

我咪執好d野......去沖涼囉.....沖沖下......愈黎愈凍既.....邊個熄左個熱水爐....好凍.....=口="

先祝情人節快樂吧~

雖然自己唔多快樂.....原因.....一陣講.....唔關有冇情人事喔.....混蛋們

==============================================

話說尋晚同家姐傾左一陣電話喇....同佢傾完個陣我就傾多陣MSN....睇書.....

就咁煲左一晚書.....我廢事一陣訓唔著玩陣電腦.....都比人煩.....

又話唔知搞成晚打電腦.....唔知犯唔犯法.....妖......多餘的....

我夜晚開的話......都係BT D唔係香港既野.....咁唔關事喇.....    <==DL 4仔....? XDXD

咁我咪唔開機囉......睇書算了......煲書又講......妖......好煩囉.....

到天光.....詐詐下訓真係訓著左兩個鐘左右喇.....醒既原因都係因為老母同老豆又嘈......

嘈既原因.....係老豆出左去個陣聽老母講返.....老豆又係度彈呢樣彈個樣......

又話我買埋D無謂野.....又話要睇我地個戶口......又話我玩通頂.....

先講喇.....我買既無謂野.....係書同模型....書就唔只係漫畫喇.....有D參考書....資料性比較高既都有....

模型我就唔講....個人價值觀唔同.....而且我好耐冇買.....係上次特價先買左一部.....

通頂.....哼.....我唔係嘈住你咪得囉......我夜晚已經靜晒......仲想點唧......凸= =

而戶口方面......我就尋日已經收好左.....佢就逼左要睇老母本簿仔......真係討厭.....

之後我叫老母拎左個夾萬去我呢邊......放埋佢同大姐既戶口落黎......我收好了.....    <==別問我有關既野=0=

同老母傾左陣就再訓喇.....岩岩訓著冇耐.....佢又嘈醒我囉.....

食飯......食食食......咁鍾意食咪自己食餓佢囉......而家我都係有一餐冇一餐喇.....

又扯我張被.....跟住我一手掟開張被黎訓......多鳩餘......

一陣又話做老豆既低聲下氣叫個仔起身食飯都未見過.....而家見倒喇.....

我最憎訓訓下覺比人嘈醒.....我唔嘈你就偷笑喇.....仲要咁多聲氣......木嘴.....

死都唔起身.....吹得我脹......??老母就鬧佢.....之後老母入黎問我.....食唔食飯.....

好聲好氣咁講就接受倒喇......郁D好似唯我獨尊咁......食蕉喇.....睬你都癲.....

安安靜靜咁訓.....由大約一點訓.....訓到唔知未到五點.....又比佢嘈醒....

又話食飯......屌.....冇病丫嘛......火都黎埋......十二點幾食完....未到五點就第二餐.....

搞亂晒D生活節奏......都算喇......人地個個都就晒你....你可唔可以就返人地少少唧.....

把死人口又唔收......如果唔係老豆.....係第個老野.....真係打左佢囉.....

死左起身之後就沖涼食飯喇......岩岩起身邊有胃口.....而且我不嬲都係食好少野就夠.....

食多D.....個個都好似你咁鍾意食野咩.....食完就走開.....一陣忍唔住嘈佢就唔好....嘈開有條路.....

去睇書.....睇左陣就同小BOE傾電話......屎忽BOE曬乜春野命.....凸=3=凸

朱古力之嘛.....哼......想當年我都有唔少啊......一到2月14我就食到熱氣.....雖然而家就......Orz

傾完就開電腦......sd埋d野比阿堅.......sd完....返房開機.....熄返廳部機.....= ="

尋晚又係喇.....off左之後又失眠.....今朝小睡左陣.....

起左身.....個電話自己熄左.....應該係冇電吧.....我成晚聽歌.....=口=      <==會唔會聾左=3="

老母同我講返老豆d煩野.....估唔倒佢咁快就故態復萌.....

因為老豆出左佢公司......所以都唔怕講返比我知......

咁我用自己錢買d野.....關你春事咩......夜晚唔訓......我想架咩.....

老母又話佢想搵我地d簿仔黎睇......睇我地戶口仲有幾多錢......妖......

我聽倒之後....得喇......第一時間我拎返我自己本簿仔.....拎返自己房收埋......

之後開始執房了.......相信都係尾聲了......而家我間房變左真真正正既書房......

有電腦檯一張......電腦一部....大量書&碟.....工作檯一個<==雖然都係架來的......

同埋好多櫃筒.....可惜仲未有野放落去......=w=

一執就執左成日喇......唔好比我搵倒仲有野未搞......Orz