尋晚三點聽完恐怖熱線先訓....
首先係講日本既盤節....即係盂蘭節....
點解咁盤節係因為盂蘭節當日....日本人會利用一個名為"盂蘭盤"既野....
放一d生果...鮮花等等供奉比先人既.....所以取其名簡稱就係盤節....
同埋日本人會係盂蘭節個一個星期左右就開始有祭典....
d日本人會著住浴衣木屐出去參加盂蘭節大會.....
會有人打太鼓....同埋跳盤舞.....熱鬧到不得之了.....
咁說話回來....呢d鬼節歷史同埋傳統....我都知既- -
條友就講完大約呢d野....先入正題....
話說佢有個fd....去東京市區....正正盂蘭節就去左郊區既親友屋企.....
佢去到就岩岩有個盂蘭節大會.....佢同d朋友就去睇喇....
見倒人地跳盤舞跳得咁開心....又話想去跳埋一份....
咁當地人就借左件衫比佢喇....叫佢排最後.....因為佢唔太熟當地既舞步....
佢去到最後.....跳跳下....愈黎愈多人....
後面一路排長龍.....好熱鬧好開心喇.....
到佢跳完舞個陣....返返埋佢朋友身邊.....
好開心咁講返頭先幾開心.....講到話佢後面愈黎愈多人一齊....
佢朋友就話比佢知....冇人啊....邊度有人唧.....
一路都係佢係最後....都冇人再加入囉....
事後佢再問返當地人....當地人話比佢知....
件衫腰帶個度....係掛左一個類似神主牌既野.....
喻意請先人同埋在世人一齊係短短既時間入面玩....開心下....
但係點知條友又感應倒D靈體....所以....去日本係唔駛驚既=W=
跟住就講某兩間百貨公司....我唯一知道就係銅鑼灣個間SOGO既....
當然唔係冇八樓呢回事喇....係講關於MODEL公仔會郁既事....
好抱歉....都係已知....所以唔打出黎= =""
跟住又有個女仔講鬼上身既野....好假....所以都唔講....
又有個名叔補充下SOGO件事...呢件....都係晨早知道左....不值一提....
另外又講左個佢朋友既野....唔恐怖...都係唔講= =
聽完就訓覺....一覺訓到今朝十點幾....起左身之後就打機....玩左成朝....
唔記得左上網搵工......=口=
算喇....聽日再搵喇.....暫時仲有錢既=v=
打打下個陣peggy打比我....問我去唔去睇軍曹....
去喇....我超愛軍曹的說嘛>w< (好似好多野我都好鍾意-__-)
約左今晚八點三係戲院門口等....
之後六點幾同老母出去....睇左陣D櫃.....
我就對實惠個堆櫃不太感興趣....但係老母就話呢個嗰個= =
完全唔想理佢....睇完就去龍城買書....
買左本新出既one piece第42期....同埋軍曹第12期....嘿嘰嘰嘰嘰....
跟住去買左包dvd+r.....因為帶係身唔夠現金既關係.....買左一包....
之後就陪老母返返去搭車....我就打比peggy問佢地係邊.....
去搵埋佢地之後....就等埋kevin....四條友就返上去老麥陪kevin食野....
食完就入場....睇keroro軍曹大電影....
得個一個鐘.....睇完之後....
評價係:好睇、好笑.....但.....配音太爛.....
香港既配音太垃圾.....真係想聽返日文.....
睇完就返屋企了.....=w= |
