今朝返緊工....唔知幾時跌左大姐送比我個條手鏈....好冇心機/___\
返到公司....又係好似平時咁做野....
同埋係一樓....見倒有隻曱甴....比我一腳踩死左=.=v
之後哥斯拉事前好地地....之後又噴火了= =
我都唔敢太多野同佢講....廢事喇....
但係佢又要成日搵我....女人真係....唉-口-
打個d表....係對比一下個表....有d咩係貨貨架上冇既....
搞左一朝....到食飯...食完飯同winki玩game....電話個d....
玩到夠鐘....返埋位....對埋今朝個表....
同埋全部人開會.....開會係講大陸d人手.....
特別係跟個死肥婆個十一個人手....調左去跟EBL D人.....
跟住又話叫我地幾個merchant.....而家就唔駛理又話賣唔賣倒.....賣出既價錢都唔駛理....
都係負責D搵貨既資料....然後就比EBL D人跟....
人地開會傾好晒D野....先至比返D有關既資料比佢地搵供應商傾....而我既諗法係....
第一....個死肥婆有能力....做倒野既話.....點解人地唔請新人或者係第D組調人....
仲要一個都調晒....而死肥婆做開個D野都唔駛佢跟.....
第二.....d merchant如果買d貨返黎係掂既.....駛咩要人地跟唧....
d咁既野一腳踢都得喇.....話唔駛咁辛苦....有能者的話.....老細會比佢唔辛苦!?
第三.....經理有能力的話....點解會比人削人....同埋工作範圍先??
唔好講辛唔辛苦....老細理Q你辛唔辛苦咩....做倒野先係重點吧....
而家做既野同埋人手都比人分散左去第度....可想而知....經理既無能喇....
=========================================================================================
純粹個人意見....我唔知亦都唔想知佢地內部既野....反正我都係外人....有糧出就得....
=========================================================================================
散會之後就落去幫tracy手執個文件房....污糟到不得之了.....
但係都要搞喇....阿c同我一齊搞個壇野.....
其間阿c同我講左d野....佢話tracy叫佢同我講既...
個條死仆街joe....話我成日落去落得耐....
又話成日著拖鞋....而家我都冇著拖鞋同埋冇乜點落一樓喇....仆街....
冇撚病吧....我而家真係愈黎愈憎佢同壇死肥婆囉.....
初初對佢都只係討厭....而家係憎囉.....
經理有咩大不了唧.....佢自己做得係咪好好先....???
做得好既話.....又唔好見下間公司好...??
咁巴閉又唔會搞到長期蝕錢同埋d貨滯消喇....屎忽鬼....凸=^=
真係愈講愈火.....之後到差唔多夠鐘先上返去.....
哥斯拉首先又好串既....我既態度都唔係好好.....
佢似乎知道應該停....就停左佢d咁pk既態度....
因為聽左阿c講比我知.....我愈黎愈反感了.....
見倒個壇死肥婆......梗加唔妥.....頂佢.....
之後差唔多收工....條死肥婆又命令JUDY叫佢入房同佢 + 兩個經理開會.....
我諗九成又講D貨既消量.....可能有小插曲係SO肥又篤我背脊囉......
係既就篤囉.....仲要有咁大作咁大......
唔係玩唔死我.....遲早有一日會調返轉!!!!
跟住放工.....我同阿C走人.....行返沙田.....行行下....唔見左唇環尖個個托-^-
首先去睇扭蛋.....同埋果子玩具.....之後我買碟....
同埋去百佳買野食....我順便買左盒榴槤.....好耐冇食....
但係燥底....食左會唔會仲燥.....!?唔理喇....死喇=口=
去返到偉華....扭蛋....阿C幫阿雪扭....扭左個高達.....
之後我扭....又係高達....比左阿C.....
扭多個....嘩....渣古啊.....不過係馬莎專用咁解=^=
唔緊要....反正我都鍾意.....重覆左咪放係屋企囉=.=V
跟住又扭左個sd高達....係seed既.....頂= =
都唔靚既....媽的.....算喇....反正都冇期望過seed個d機會靚.....
然後返屋企.....等車個陣....撞倒之前中學個學妹(p.s.唔識的...但認得)
佢係咁望住我.....仲要好似唔知點咁行黎行去.....我坐個度....佢又坐我隔離-口-
唔理佢....一陣又比人當自戀狂.....(雖然係) |
