嘩嘩嘩∼！！
今日對我來講真好正斗，
因為．．．
嘻嘻，
因為今日係學校既特別假期，
ｄ學生又唔駛返，
加上ｄ老師同校長一齊出晒去，
淨得我地幾個人仔係學校∼！！
真係ｆｒｅｅ到爆呀∼！
哈哈∼！
開心死啦∼！

不過，
今朝原來ｄ老師都仲會返一返來先，
所以，我地都仲係要做野既，
不過等佢地走左之後就．．．
呵呵呵∼！！！

不過，我就無咁好彩啦，
因為我要監考呀，
有四、五個小朋友來考試（插班生），
攪到我無得玩不單止，
仲要睇住佢地，
仲要我講埋「煲冬瓜」添∼！
好彩，難唔到我既∼！！
哈哈∼！

不過，到我做晒所有野之後，
我開始覺得有ｄ悶，
唔係，應該唔止一ｄ，
係好悶至啱∼！！

原來返工得閒過頭都未必係一件好事！
忙，又做到死死下，
閒，又悶到死死下∼！！
真係死得∼！

今日放工之後約左個個朋友仔(KAREN)出街街，
我地去左旺角行街∼！！
一放工，出到去，
我已經凍到咩咁，
因為今朝著唔夠衫∼！！

我地行左一陣，
我雖然無「收獲」，不過都已經好開心啦∼！
佢就緊係有啦∼！
都ｏｋ咁啦∼！！！
之後我地就去左食日本野（大熊本）！∼

好鍾意食→蟹子炒飯
　　　　　軟腳蟹，呀唔係，係軟殼蟹
　　　　　燒原隻魷魚

好好味呀∼！！正呀∼！！