今日返工都唔算有太多野要做，
要做既都係一ｄ手板眼見功夫，
好快就會做完∼！

不過今日就發生左一ｄ小插曲！

尋日副校同我地講，
話我地要幫手整／摺一ｄ小冊子，
仲話ｄ小冊子大概會聽朝到∼！！

不過到左今朝，
我地依然都仲未見到ｄ小冊子，
而我地見到既就只有一個口黑面黑既校長！
原來係因為印刷商未趕起ｄ小冊子，
而校長又心急要派俾人，
所以就口黑面黑咁∼！！！

副校同校長嘈完一輪之後，
佢地決定左派一個人出去印刷商個度，
等佢地一印好就摺來入信封，
順便寄／派俾ｄ幼稚園∼！！！

最先先呢，
啊副校行過 Terry個位度，
睇睇佢做緊咩，
佢見到佢打緊卷，
就諗住搵我啦，
點知佢一睇，
原來我打緊推薦信，
佢就話：
哦，你打緊推薦信呀，呢個緊要ｄ，
你唔好出去啦，Terry你出啦,打卷遲少少都得！

就係咁，
Terry就要出去幫手啦∼！！
佢知道自己要出去個陣，
佢簡直惱到爆，
又講粗口又拍枱咁，
真係俾佢嚇死∼！！！
都唔知佢會唔會連我都惱埋添∼！？