今日係 7．1 特區成立既日子，

亦係一個大好既假期，

所以今日既行程亦都特別緊湊、特別精彩！

一大清早我地就起身準備出門口，

去我地既第一個目的地！

我地既第一個目的地　－　大帽山．端記

抵達時間：上午８時許

無錯！你無睇錯喔！

我地第一個活動就係　－　飲．早．茶！

哈哈∼

幾好呀，幾有益身心呀！

端記既野食一向都好出名就連電視都有介紹過，

咁樣我地就緊係要去試一試啦！

我地叫左ｄ咩食？！

你睇∼

太多了∼不過真係好食喎∼下次要再去先得!!

飲完茶之後，我地就起行去到我地既第二目的地！

第二目的地：屯門　－　新墟戲院

抵達時間：上午１１時許

呢個第二目的地係突然加插既，

原先係應該飲完茶就去第三目的地，

但見仲有ｄ時間，

所以就加多左呢個「活動」啦∼

我地今日睇既係　－　冰河世界３．大威龍駕到

真係好好笑，

每次睇冰河系列都一定會令人由心咁笑出來！

睇完戲之後，我地就去我地既終極目的地！

終極目的地：大尾督

抵達時間：下午２時許

我地眕完戲就直駛入大埔，

泊好左架車之後，

我地就去左租單車啦！

我地今次要踩單車入大美督，

仲會係水霸度放風箏添！

不過，對我來講呢個可以話係一個「挑戰」！

點解咁講？

因為我有成８年幾無踩過單車，

而且對上個次踩仲要炒到見紅∼

唉∼∼你話啦，有咩辦法唔驚先得架！？

好彩，

ｄ朋友仔都好好，

肯就返我慢慢踩，

不過我都覺得有ｄ唔好意思，

因為拖慢晒大家既「進度」！

不過最後我都克服左我呢個既心理障礙，

最終都可以踩到去大美督！

仲去埋水霸放風箏添∼

望住個咁廣活既天同海，

真係令人暫時忘卻所有既煩惱架！

個感覺真係好舒服！

行程既尾聲，

我地就去左食晚餐，

仲計劃下次去食海鮮添播！

真令人期待！