呢幾日我食野果度好曳呀!

近排少飲左shake之餘又勁多飯局~好耐都冇試過啦!!

尼緊我要係放榜前減多5磅..等d朋友仔對我刮目相看~

其實我近排過得唔開心..

媽媽開始唔鐘意我用產品..覺得d人呃我.

佢地唔了解產品公司既背景,運作..就鬧左我先..我解釋乜野都冇用

爸爸就同佢既朋友講左我用產品既事...又話我比人呃...

我呀爸又受佢地講乜喎..好似入哂腦咁..又開始反對我..

有時我真係唔明父母點諗?我知係為我好..

但點解唔用一個更好既途徑/方法去了解下我做緊咩呢?

我真係好希望佢地可以支持下我,甚至同我一齊用產品..

有好多人都得唔到健康..既然我遇到呢個產品..

我得到左健康..我都想佢地可以擁有健康...

另外我仲煩緊第二d野..

我有時會諗下...我依家究竟點行先可以令到將來生活好d..

有時我又會諗....我點解要依家決定?點解唔玩多陣?錢..足夠用咪算囉

反正機會一定會係將來出現..淨在幾時姐...

唉真係好予盾!

呢d可能就係所謂無形既壓力...

未來的變數真多!

終於到紅洒晚會啦!!

臨急抱佛腳既我到朝頭早先去買化妝品,配隱形眼鏡(仲要第1次帶)

下次我真係會好好準備的!

點解有得去?今次係因為我地公司業績做得好好,

所以隊長Evan同Gigi就係佢地新居開左尼個Party~

去相!!

我地四個都著到黑媽媽;P

減肥一家大合照~~

上左人地屋企會所個天台玩~~

同大領袖合照~~

唉今次唔應該著無袖衫...影到我手臂仲好粗!!!

好唔滿意自已呀!!!我要再減30磅!!

除左周圍影下相,傾下計..

Evan同Gigi仲準備左d野食比我地享用,

我地4個到6點就鬼殺咁嘈嗌肚餓~,原來我地係有準而去xdd

其實我都估唔到尼左呢間公司除左減重之外,仲有咁多大型既Party同大會~

仲識左好多朋友..佢地都比左好多支持同鼓勵我!!

我都要話比多d人知!減肥是多麼美好~~

琴日係減肥比賽既畢業之夜呀~~

好開心呀!個個都減得好成功呀!

我仲帶埋我男朋友去,希望佢接受下我做緊乜野...

不過好似失敗左...等我帶佢去多幾次就會okay架啦~

我地4姊妹當中菁兒減得最勁呀!減左22LBS同埋大約一吋左右既脂肪呀!!

佢尋日仲攞左個獎狀,仲有500蚊現金獎呀!!!

攞第2既tTony同第1既Jimmy佢地獎賞分別係$900同$1500!!

突然之間就諗..點解我唔減好d,乖d呢~

不過算啦~只要下次參加減肥比賽努力d

以佢地做榜樣咁就會成功!!~

另外,大會仲安排左d野食比我地,,大家就好似餓狗咁...

衝出去狂拎;P  好彩我食左少少就停左手~

希望尼緊可以一齊因另外三寶同埋winnie媽出街玩,行街,唱K啦~~

我地尋日既合照相...後補啦~~

尼緊果個禮拜既節目真係多到冇時間休息呀!!

除左番工,仲要同好多人有飯局~有幾個外地番尼既朋友,仲有同公司既專業人仕同桌晚飯

好緊張呀!!話哂同d三唔識七既人食飯喎...仲要來頭唔細架喎..唔好話唔驚..-3-

唉..連件飲衫都未買..我而家真係頭都大埋.....

另外仲有公司會議要去呀!真係忙到不可開交!!(其實我都唔係好知「忙到不可開交」點解/點用..總知係好忙啦!><")

又講下今日呀,今日第一次去公司番學學野,學左點樣訂立目標,起步因埋自我管理等等

除左可以應用係公司客戶上..對做推銷或者服務性行業都有d用~

所以尼緊我都會抽番d時間去上堂

上完堂之後,就番左公司陪winnie睇下佢點幫人減肥,

因為開始有人睇到我減肥既成果,就問我點減,所以要學下點講喇~

尼緊bonnie你一定要努力咁減呀!我地1定全力支持你的!

跟住同左winnie媽行左一陣旺角,打算買尼緊星期日酒會既飲衫..

點知都睇唔岩><反而買左2件出街衫...

仲有一個星期咋..都花唔到好多時間去睇衫...唉好苦惱呀~

 除左買衫既煩惱..仲有身型既問題...咁果d衫都瘦先穿得靚架嘛...

希望尼緊下身可以瘦番1寸啦..拜托呀!

經過今次減肥比賽,我既體重由70.9減到65.9~

即係大約11磅度..當初我既目標set左係20磅既,

減到咁都總算交代到自己啦

都怪我自己曳啦~又唔聽話亂咁擺野入口,仲成日食麥當當

呢個比賽除左比我有減重既推動力之外,減到肥又識到一班朋友仔~

仲知道左唔少關於營養上既知識同飲食上既技巧~

雖然我今次減唔到15磅去唔到Cocktail酒會,不過下次一定得!!

呢緊7,8月大慨又會有減肥比賽,我同菁兒會以師姐身份再參加多次!!

我要最有利姿態去減多20磅!哈

入番正題先!

前2日我帶左baba去我減肥果間公司度睇,

希望佢了解下我用緊咩產品,.

因為佢成日都以為我用緊d會食壞人既減肥藥,

佢去完之後,雖然都了解到我係用緊d對身體百利而無一害既產品..

但都依然有戒心..我明白既,,父母始終都擔心子女會比人呃都正常既..

不過過左2日後,佢去多次呢間公司,了解到公司既售賣模式,

都安心左好多..對公司都建立左d信心..

仲支持同鼓勵我繼續用好d產品..未來幾日後佢都會用下產品保健..

其實我同baba以前好少溝通架..今次因為呢個產品既原故..

開拓到我地溝通既橋樑~!呢個係好開始!