今日無野做，又無人叫我出街。

夜晚，我上次咪話我要整車既，但係無整到，因為佢話要換野，要多＄６０，我唔so佢啦，我阿爸今晚話佢幫我整，我係換車頭下方既支架，換個避震既上去，我地搞左一陣，搞定了，正牙，好踩左好多

喂，有無人要出街踩車？叫我去=.=

係屋企好悶牙，等玩墨香公測，點知有個人打比我，呢個人好少打比我架，但係無唷啦打比我，哦，原來佢佢電腦既上網壞左，所以無野做打比我，我就係咁同佢傾左一陣。我諗住踩車去佢到，但係好難去，點解？你地睇下佢住邊先。

等我介紹下啦

呢個人叫

名：黃XX

歲：1X

住係：將軍奧

點識：係一個遊戲到識

靚唔靚：佢話佢自已100分喎=.=(味見過)

性格：天生單純，人地講緊咸濕野玩佢，佢自已都唔知，例如：推車之類咁

我覺得呢個女仔好似李美欣，點解？佢地一樣咁單純=.=

今日好悶牙=,=，無野做。所以我6點幾到打比欣問佢去唔去打波(羽毛球)，佢話：好牙去邊個？我話：你想呢：佢話去空地到打。佢仲問有邊個去，我話個我咋，又叫我叫埋渣東，我就打比渣東啦，佢話去，我就叫佢記得帶手機。佢話：點解牙？我話：影我我一陣點抄欣牙麻。佢話：okok。我同埋我阿妹去，因為佢無野做，所以就一齊去，落到去，我打比欣，佢仲味食飯=.=。我就同我阿妹行去先啦，後尾我再打去，佢話唔打喇喎=.=，我諗佢一定係驚輸啦，唉，我咁勁，算，我原諒佢^^所以我就同我阿妹打啦，唉，佢都唔係果皮，太廢了=.=

琴日，聰聰打比我，佢話：聽日去９踩喎。我話：唔去啦＝．＝我上次大夜返，我阿媽唔比我出住牙。跟住就收左線，跟住同渣東吹左一陣水，今日，好悶，我同渣東一齊上網搵卡通歌出街播，係咪好型呢？哈哈，我地諗住播超人，渣東話：如果我地咁播既話，會比Ｄ飛仔打架喎。我話：我會叫佢地唔好打住，聽完呢首先打。（果首歌係下面點歌器，叫哇卡卡，排第一首架），渣東當堂係咁笑，跟住佢ｓｄ返琴日我地影果Ｄ相相，我放上ｍｓｎ，都己經有人話影得幾好，有個人話：著返３咪幾好，我諗佢知我話緊佢^^，仲有人叫我ｓｄ比佢天，我都覺得幾靚，渣東，多謝你唷^^

敏佢add我話：大鼻煒，今日唔駛拍戲咩？=.=好串喎，仲話我帶佢恆恆出街，唔關我事架喎=.=，佢係跟楊文佢地黎，我都唔想，老屈我，哇卡卡，跟住我就繼續好無聊咁玩電腦

喂，有無聽果首歌牙？真係好好聽架^^

琴日，我打比渣東話：聽日幾點去黃金海岸？佢話：你鐘意啦。我就話喇：我聽日9：00打比你，我要整車。

今日，我打左比渣東，話要出去了，佢話ok，但聰聰叫我去楊文到，我唔想去=.=，渣東都話唔想，渣東就話：唔so佢地啦，我地

自已去左先。我話：好牙。

首先我地去整車，佢老闆話要整埋果個咩，唔知佢點整，我就話：唔整住喇咁，我叫我阿爸黎先整。我地跟住就出發！！！我地踩牙踩，哇，好大風，仲要係逆風，要用好大力先踩得到，我地踩到去兆康，踩平地就好似踩緊斜路，我地落斜先勁，我地果時落緊斜，我話：噫？我地落緊斜架，點解好似同平路無咩分別咁既=.=渣東話：我都係咁話。超無奈囉，咁大風，唔係早就去到。

我地踩到去屯門，過埋天橋，好彩細風左，無咁難踩，我地去到三聖到，見到一間大快活，我話：係咪應該食左野先呢？渣東話：我出黎時先食左野。我話：咁去到先囉。佢話：係啦。我地就繼續踩，終於去到黃金海岸。

哇，D野咁貴既？食個意粉都$38，我就話：都話去果到食架啦=.=渣東話：我話黎睇下姐@@"我話：咁姐係要踩返去啦。我地跟住就踩返去果間大快活喇，我地兩個都叫左個叫做芝士龍蝦魚柳焗飯，渣東拎完之後，到我拎，但係唔知點解，我同渣東個飯一樣架，點解個樣唔同左=.=""我果個係用鋁紙果D盒，渣東果個就係用一個半蛋形既碗，行到埋位，渣東話：你果個好似正D。過左一陣，我打打電話比佢地，佢地話家陣係紅水橋，2點前到。家陣1點幾到。我地就諗住等埋先，點知2點幾3點都黎都味見人，我地又打比佢地，佢地係屯門洗手間果到，我話：你地行路黎架？楊文就話：煒哥，你係咪博尸吊牙？咁就收左線。我陣同渣東講話，佢地咁遲一定係等國棟，家亮仔一定會咸濕我，佢地一定會話掟我落水，真係比我估中曬=.=

∼＞佢地黎到喇，我地玩左一陣水，我無落去，但係比人掟左落水，過左一陣，家亮仔話：渣東，
你買左部k750i？渣東話：係牙。跟住就拎左比家亮仔睇，聰聰話：影相幾靚。恆話：我覺得麻麻。
跟住渣東話：你個樣做咩咁唔開心？我跟住話：你話緊我牙？渣東話：係牙。
聰聰就話：你請佢食野佢就唔會唔開心架喇。我話：唔係呢個問題。跟住佢地去左買野食，我就係到諗，
恆話k750i影相麻麻啦，咁邊部先好？家陣係呢幾部好架啦，家陣係呢D機靚架喇喎，你話喇，邊部靚？
恆佢靜係識照書講，點解我咁講？我上次話s700i幾正，佢話：s700i係勁係影相之麻。
佢根本就唔知s700i點影相靚，s700i鏡頭勁，
點勁？s700i係採用呢個既蔡司鏡頭(數碼相機用果隻)家陣大部電話既鏡頭只係普通既電話鏡頭，
數碼相機唔係用呢隻，數碼相機係用蔡司鏡頭既，姐係s700i用果隻。我又話E680i幾好，
佢就話E680i係聽歌勁，影相都唔勁，首先，E680i聽歌一D都唔勁，佢同k750i果D無分別，佢勁咩呢咁？
其實係勁係呢個支援藍芽立體聲咋，但係無用，點解？因為用藍芽聽歌D聲會差好多，所以無用架，
佢D聲無勁到架，仲有，影相唔係廢架，你地知唔知E680i個mon係大(240x320)架？
你唔知大mol影出黎都好靚架咩？睇像數無用架，唔好以為低像數就一定影相廢，恆就係照書講，
我點知？因為我都有睇囉！恆靜係睇本野，本野老點人架，仲有，
佢話等出w910i買喎，真係講緊笑，根本就無話出，我唔知佢呢個消息係邊到聽返黎架啦，
佢可能以為有w800i又有w810i，有w900i就一定有w910i，唔好講笑啦！邊個話架？=.="
我點解話s700i正呢？係因為佢影出黎既相同w800i有得比
E680i有咩好？我係鐘意佢用輕觸式螢幕，又可當GBA打機
以上有咩得罪，sorry，你可以唔信我講既，隨你